Yakobo 5:16 - Baibuli Ekibono kya Katonda 2014

¹⁶ Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

Yakobo 5:16 ပူးပေါင်းရင်းမြစ်များ

Amainhama 19:29

Kale ni kyaba nti Katonda bweyali ng'azikiriza ebibuga eby'omu kiiko tiyeerabira Aburahamu, kyeyava n'awonia Loti akabi okumutuukaku, yaamuleka yaavaamu.

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

2 Samueli 19:19

ng'amukoba ati: “Isebantu kyabazinga, nkusaba olobe kuneegemerera oba okwidhukira nze omugheereza wo bwe nakubisa obubi iwe musengwa wange kyabazinga, ku lunaku lwe wava mu Yerusalemu. Isebantu kyabazinga, ekyo otakisiba ku mwoyo,

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

2 Ebyomubyanda 30:20

Musengwa Katonda yaawulira Hezekia kye yamusaba, yaasonigha abantu yaaloba kubakolaku kabi.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Okuvaayo 17:11

Kiisi Musa lwe yaghanikanga omukono ng'Abaisiraeli banhigiriza Abamaleki, ate kiisi lwe yagwisanga ng'Abamaleki n'abanhigiriza Abaisiraeli.

Okuvaayo 9:33

Kale Musa yaafuluma ekibuga ekyo, yaaghanika emikono yaasaba Musengwa Katonda okubwatuka okw'olukuba n'omugozi era n'amaadhi byalekera.

Ensambo 15:29

Musengwa Katonda aba ng'oti ali ghala inho okuwulira ababi nga bamusaba, aye awulirisa mangu okusaba okw'abatuufu.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 28:9

Omuntu atenda kuwulira mateeka, n'okusaba kwe Katonda akwenhinhata.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Okubala 11:2

Agho abantu baalirira Musa. Era Musa yaasaba Musengwa Katonda omuliro gwazikira.

Matayo 21:22

Era byonabyona bye munaasabanga, nga muli n'okwikiriza, mwidha kubifunanga.”

Matayo 3:6

era yaababatiza mu mwiga Yorudani nga bwe baatula ebibi byaibwe.

Mariko 1:5

Abantu beesombanga okuva mu kiketezo eky'e Buyudaaya yoonayoona n'ab'omu Yerusalemu boonaboona baaja ye Yoanne, yaababatiza mu mwiga Yorudani, nga bwe baatula ebibi byaibwe.

Luka 9:6

Agho baasimbuka baabitabita mu buli kyalo nga bakobera abantu Amawulire Amalungi woonawoona, era nga bawonia abalwaire.

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 19:18

Abantu kamaala abaali nga buti bafuuse abaikiriza, baidha beenenia ebibi byaibwe ng'abantu boonaboona babona.

Ebikolwa by'Abatume 8:24

Simoni yaakoba Petero ati: “Munsabire ye Musengwa, ebibono ebyo bye mwogeire ghalobe kubaagho kintuukaku.”

Ab'e Roma 3:10

nga bwe kyaghandiikibwa kiti: “Ghazira mutuukirivu waire mulala.

Ab'e Roma 5:19

Era ng'okudheema okw'omuntu omulala bwe kwaleetera abantu kamaala okuba aboonooni, n'obuwulize obw'omuntu omulala butyo bwe bulireetera abantu kamaala okuba abatuukirivu.

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

1 Ab'e Thessalonika 5:17

musabenga buliidho

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

1 Ab'e Thessalonika 5:25

Aboluganda, mutusabire.

Abaheburayi 11:4

Okwikiriza n'okwasobozesa Abeli okughaayo ye Katonda omusengo omukalamu ogusinga ogwa Kaini, era mwe yabita Katonda okumubala okuba omutuufu, kuba Katonda yasiima ebirabo bye. Era olw'okwikiriza kwe waire yafa, akaayogera.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

Abaheburayi 12:13

Mutambulirenga mu ngira enkalamu, aghenhera alobe kulemalira irala aye awone.

Abaheburayi 13:18

Mutusabirenga, kuba tukakasa nga tuli n'omwoyo omunaabuufu era nga twenda okukola obukalamu mu buli kintu.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.

1 Samueli 1:12

Bwe yali ng'akaaja mu maiso n'okusaba Musengwa Katonda, Eli yeetegereza omunwa gwe.

1 Samueli 12:17

Ekiseera kino kya makungula ga ngaano. Aye nja kweghemba Musengwa Katonda aleetegho okutyabuka kw'olukuba era agwise n'amaadhi, memale mumanhe ng'ekibi kyaimwe kye mwakola ye Musengwa Katonda kinene, eky'okumusaba kyabazinga.”

1 Samueli 12:18

Kale Samueli yeeghemba Musengwa Katonda. Musengwa Katonda yaaleetagho okutyabuka kw'olukuba era yaagwisa amaadhi ku lunaku olwo. Abantu boonaboona baatya inho Musengwa Katonda ni Samueli.