Yakobo 5:15 - Baibuli Ekibono kya Katonda 2014

¹⁵ Okusaba okwo nga kukoleibwa n'okwikiriza, kuliwonia omulwaire oyo. Musengwa alimugologosa era bwe ghalibaagho ebibi bye yakola birisoniyibwa.

Yakobo 5:15 ပူးပေါင်းရင်းမြစ်များ

Isaia 33:24

Tighalibaagho muntu waire omulala ati ku b'omu nsi yaife, alikoba ati alwaire. Abantu abaliba eyo boonaboona balisoniyibwa ebibi byaibwe.

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Yoanne 5:14

Ebyo olwawa Yesu yaayagaana ye yawonia mu isinzizo yaamukoba ati: “Bona eno mperaano oli bukalamu, lekera agho okukola ebibi, kuba oghanga okweyagaana nga ekisinga agho obubi kikutuuseeku.”

Yoanne 6:39

Era kino, eyantuma ky'ayenda: ku be yampa ndobe kufiirwaku waire mulala aye mbazuukize ku lunaku olusembayo.

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

2 Ab'e Korintho 4:14

Twidhi nga Katonda eyazuukiza Musengwa Yesu, twena alituzuukiza ni Yesu, yaatutwala mu maiso ge ghalala n'imwe.

Yakobo 1:6

Aye ali n'okusabira mu kwikiriza era na mwoyo mulala, kuba asaba n'emyoyo ebiri ali oti n'amayengo ag'oku nhandha agayuuzibwayuuzibwa empewo.

Yakobo 5:13

Ghaligho mu imwe adaagadaaga? Kale asabe Katonda. Ghaligho omusangaavu? Kale ayembe enhembo edhisaaka Katonda.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

Yakobo 5:20

oyo amwiziiza ali n'okumanha ati: kiisi atoola mukozi wa bibi mu ngira ye ensobu, aja kuwonia omwoyo ogw'omukozi ow'ebibi oyo okufa era ebibi bye olukunkumuli bisoniyibwe.