Yakobo 4:8 - Baibuli Ekibono kya Katonda 2014

⁸ Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Yakobo 4:8 ပူးပေါင်းရင်းမြစ်များ

Amainhama 18:23

Aburahamu yaaseeta ye Musengwa Katonda, yaamubuuza ati: “Bwenebwene oidha kuzikiriza abantu abatuufu ghalala n'aboonooni?

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

Yobu 16:17

Ate nga tikolangaku bukambwe, era nsinza Katonda bukalamu.”

Yobu 17:9

Aye abo abeeyeta abatuufu, beeyongera bwa kwegumya bati batuufu.

Yobu 9:30

Ni bwenaaba amaadhi, ni ntukuza engalo dhange ni saabbuuni,

Zabbuli 119:113

Nkyagha abantu abayuugayuuga ni batagema mateeka na mwoyo mulala, aye nze ngonza inho amateeka go.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 18:20

Yansasula ng'ajiira ku butuufu bwange; yampa enkabi dhe kuba nziraku musango.

Zabbuli 24:4

N'oyo ow'omwoyo omunaabuufu era akola ebituufu; oyo atasinza bitali Katonda, oba okulayirira obwereere.

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 51:10

Katonda wange, ntonderaamu omwoyo omulungi, ondhizeemu omwoyo ogukuwulira buli kiseera.

Zabbuli 73:13

Aye nze ndaagiire bwereere okwekuuma obutagwa mu bibi.

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Isaia 13:15

Kiisi ye baligwikiriza alifumitibwa, na kiisi ye baligemyaku aliitibwa n'empiima.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Yeremia 4:11

Mu kiseera ekyo balikobera abantu abo ab'e Yerusalemu, bati: “Ghaligho empewo ebabula eri kufuuwa ng'eva ghaigulu ku nsozi edhiziraku kantu edh'omu irungu, ng'eri kwidha ye muli. Aye nga ti n'empewo ey'empolampola efuuwa ebiwusu ku ngaano enkube.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Okulira 3:57

Bwe nakulirira waseeta kumpi ninze era wankoba oti, ‘Otatya.’

Ezekieli 18:31

Mwetooleku ebibi byonabyona bye mubairenga mukola, mufune emyoyo emiyaaka n'endowooza empyaka. Imwe abantu b'eighanga Isiraeli, lwaki mwenda okufa?

Zekaria 1:3

Aye mperaano ndi kukoba abantu nti mwire ye ndi nze Musengwa Katonda Afuga Amagye, olwo zeena ndidha kwira ye muli.

Malaki 3:7

Nga badhaadha baimwe bwe baakolanga mu biseera byaibwe, mwena buti bwemukola: Mwakyuka mwava ku biragiro byange mwaloba kubituukiriza. Aye mwire ye ndi zeena ndidha kwira ye muli, waire nga mumala kabiri mwabuuza muti: ‘Tukole tutya okwira y'oli?’

Matayo 12:33

“Omuti mugwete mukalamu nga n'ekibala kyagwo kikalamu oba omuti mugwete mubi nga n'ekibala kyagwo kibi kuba omuti gumanhirwa ku kibala kyagwo.

Matayo 15:2

“Lwaki Abeegeresebwa bo baloba okugema empisa dha badhaadha dhe baatulekera? Tibanaaba mu ngalo dhaibwe nga baja okulya omugaati.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

1 Yoanne 3:3

Oyo yeenayeena ali n'okusuubira kuno mu Kurisito yeetukuza oti ni Kurisito mwene bw'ali omutukuvu.

1 Samueli 14:35

Saulo yaazimbira agho Musengwa Katonda alutaari. Eyo n'alutaari Saulo oyo ye yasooka okuzimbira Musengwa Katonda.