Yakobo 4:7 - Baibuli Ekibono kya Katonda 2014

⁷ Kale ni mugondere Katonda, aye Sitaani mumutakanie, aidha kubalumuka.

Yakobo 4:7 ပူးပေါင်းရင်းမြစ်များ

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 68:30

Kaabukira ensolo edho edh'omu nsiko edhisula mu bigada; okaabukire abantu abo abaayira enume n'obuyana aghalala, era obatyankirire okutuusa lwe banaakuba amakiryaivu ni bakutonera feeza. Sansaania abantu abo abenda einho okutanula entalo.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Ebikolwa by'Abatume 26:19

“Kale kyabazinga Agurippa, tyadheemera kubonekerwa okwava mu igulu.

Ebikolwa by'Abatume 9:6

Aye situka oje mu kibuga. Eyo ye banaakukoberera ky'ogwaine okukola.”

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

Ab'e Roma 14:11

Ebyaghandiikibwa bikoba biti: “Musengwa akoba ati nga bwendi omulamu, kiisi muntu alinkubira amakiryaivu. Era kiisi lulimi lulisaaka nze Katonda.”

Ab'Efeso 4:27

era mutaghanga Sitaani kaghagaanhia.

Ab'Efeso 5:21

Buli muntu awulirenga mwine olw'okwisaamu Kurisito ekitiisa.

Ab'Efeso 6:13

Kale ni mutoole eby'okulwanisa byonabyona ebya Katonda, mughange okuguma ku lunaku omuzigu lw'abalumba, era bwe mulimaliriza okulwana okutuuka ku nkomerero, musigale nga muli bagumu.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?

1 Petero 2:13

Ku lwa Musengwa muwulirenga kiisi mufuzi ow'oku nsi, leka abe kyabazinga,

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”