Yakobo 4:14 - Baibuli Ekibono kya Katonda 2014

¹⁴ ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.

Yakobo 4:14 ပူးပေါင်းရင်းမြစ်များ

2 Samueli 19:34

Aye Barazillai yaakoba kyabazinga ati: “Nkaaliyo n'emyaka emeka egy'obulamu bwange eginsigula okuja n'iwe Isebantu kyabazinga e Yerusalemu?

Zabbuli 102:3

Obulamu bwange buwaagho ng'oti mwosi; n'amagumba gange gaaya omuliro ng'oti gwa mu luyiira.

Zabbuli 144:4

Omuntu ali ng'oti muuka buuka gwa mu nhindo; enaku edh'obulamu bwe dhiri ng'oti kinsense ekibita obubite.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Zabbuli 78:39

ng'aidhukira bwe bali abantu obuntu abafa, abali ng'oti mpewo efuuwa n'ebulagho.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Ensambo 27:1

Oteesuutanga lw'ebyo by'onaakola lwaidho, kuba toidhi lunaku bye lunaakya nabyo.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Isaia 38:12

Obulamu bwange bwantoolebwaku era bwaja nga buweekereragho, ng'oti ni weema ey'omwayi ye basimbwiregho; era ng'oti n'ekighero kye basaze ku lugoye. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Yakobo 1:10

N'omukombe yeesiimenga nga Katonda amutoireku obukombe, kuba ng'ekimuli eky'omu nsiko bwe kiwaagho, yeena bw'aliwaagho.

1 Petero 1:24

Kuba ebyaghandiikibwa bikoba biti: “Ebintu byonabyona ebiri n'omubiri biri ng'oti isubi, n'ekitiisa kyabyo kyonakyona kiri ng'oti kimuli kya isubi. Eisubi liniala n'ekimuli kyamagala,

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

1 Yoanne 2:17

Ensi ewaagho, n'okwegomba kwayo, aye oyo akola Katonda by'ayenda asigalagho ebyanda n'ebyanda.