Yakobo 4:11 - Baibuli Ekibono kya Katonda 2014

¹¹ Aboluganda, mutoogeranga bubi ku banaimwe. Ole ayogera ku woluganda obubi oba amusalira musango, aba ayogeire bubi ku Mateeka era aba agasaliire omusango. Ate nga bw'osalira Amateeka omusango oba tokaali mugemi wa Mateeka, aye oba ofuuse agasalira omusango.

Yakobo 4:11 ပူးပေါင်းရင်းမြစ်များ

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Luka 6:37

“Mutasalanga musango era mwena tigulibasalirwa, mutasaliranga muntu musango kumusinga mwena tigulibasalirwa kubasinga. Musonighenga mwena mulisoniyibwa.

Ab'e Roma 2:1

Kale mukagwa wange asalira abandi omusango, ni bw'oba ani ozira kya kwegemya, kuba bw'okola ebintu ng'oti n'abandi bye bakola, weesingisa mwene omusango.

Ab'e Roma 2:13

kuba abatuufu n'abo abakola Amateeka bye galagira, aye ti abo abagawulira obuwulire.

Ab'e Roma 7:7

Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.

2 Timotheo 3:3

abatalumirwa banaibwe, abatasaasira, abasala ku banaibwe ebibono, abatasobola kwefuga, abakambwe, abakyagha kiisi kikalamu,

Tito 2:3

Abakazi abakulu boona bakubirizenga, babenga n'empisa edhigwanira abantu abatya Katonda nga tibasalagania bibono, era nga ti batamiivu. Bateekwa okwegeresanga ebigwaniire,

Yakobo 1:16

Aboluganda abagonzi, batabasubaghanga.

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

Yakobo 2:8

Muba mukoze bukalamu bwe mutuukiriza eiteeka lino eikulu, nga bwe kyaghandiikibwa kiti: “Ogonzanga muntu mwino ng'oti ni bwe weegonza mwene.”

Yakobo 5:10

Aboluganda, mubonere ku balanzi abaayogeranga mu liina lya Musengwa, abaadaazibwadaazibwa era ni baguminkiriza.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.

Yakobo 5:9

Aboluganda, mutaduuduumanga nga mwogeraganaku kino oba kire, olwo lwe mutalisalirwa musango. Mwidhukire ng'omusazi w'omusango tabali ghala.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.