Yakobo 3:14 - Baibuli Ekibono kya Katonda 2014

¹⁴ Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 3:14 ပူးပေါင်းရင်းမြစ်များ

Amainhama 37:11

Baganda ba Yosefu baamugemerwa ensaalwa, aye ise yaasigala nga yeefumintiriza ku ebyo Yosefu bye yayogera.

Amainhama 38:9

Aye Onani yaamanha ng'abaana abo tibaja kuba babe. Kale buli lwe yabanga ni namwandu wa muganda we, ng'amaadhi agafuka ghansi, alobe kuzaalira muganda we baana.

2 Bakyabazinga 10:16

yaamukoba ati: “Idha tuje twembi, obone nga bwe neeghaireyo okutuukiriza ebya Musengwa Katonda.” Agho baajiira bombi mu kigaali kye eky'omu lutalo.

2 Bakyabazinga 10:31

Aye Yehu yaaloba kufaayo kujiiranga ku mateeka ga Musengwa Katonda, Katonda wa Isiraeli n'omwoyo gwe gwonagwona, yaasigala ng'akaakola ebibi ng'oti ni Yeroboamu bye yakola, ebyaleetera Isiraeli okwonoona.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Ensambo 14:30

Omuntu bw'aba n'emiraala ku mwoyo, n'omubiri guba mulamu, aye ensaalwa egulya ng'oti bulwaire bwa kokolo.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Habakkuku 1:3

Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Matayo 27:18

Kuba yali aidhi nga baamughaayo lwa nsaalwa.

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Ebikolwa by'Abatume 13:45

Aye Abayudaaya bwe baabona eikuukuubira ery'abantu, ensaalwa yaabagema, baatakania Paulo bye yayogera era baamuvuma.

Ebikolwa by'Abatume 26:9

“Nze mwene nadhuubanga nti nteekwa okukola kyonakyona kye mpanga okukiriga eriina lya Yesu Omunazarethi.

Ebikolwa by'Abatume 5:17

Omukulu wa Bakabona ni baine, ab'ekikunsu ky'Abasaddukaayo, baagemwa ensaalwa,

Ebikolwa by'Abatume 7:9

“Batabane ba Yakobo abo baagemerwa muganda waibwe Yosefu ensaalwa baamutunda e Misiri, aye era Katonda ng'ali naye.

Ab'e Roma 1:29

Baidhwire obubi obwa buli nsambo: okukola ebibi, obuluvu, n'eitima. Baidhwire ensaalwa, okutemula abantu, okulwana, obuguya, enge, n'okugeya.

Ab'e Roma 13:13

Twebise bukalamu ng'abaana abali mu butangaavu. Tutaja mu binhumo ni mu kutamiira waire mu bwenzi, oba obukaba. Tutasoola oba okuba n'ensaalwa.

Ab'e Roma 2:17

Aye iwe weeyeta Omuyudaaya, weesiga Amateeka, era weesuutira mu Katonda.

Ab'e Roma 2:8

Aye abo ab'entaka era abatenda mazima era abakola ebibi, Katonda alibasungughalira, yaabakambughalira.

1 Ab'e Korintho 13:4

Omuntu agonza baine aba n'okuguminkiriza, n'ekisa, taba na nsaalwa, tiyeebona yenka era tiyeesaaka mwene,

1 Ab'e Korintho 3:3

kuba mukaali ba nsi. Kuba oba mu imwe mukaalimu ensaalwa n'okusoolasoola, kino tikyoleka nga mukaali ba nsi era ng'abantu abandi bwe bali?

1 Ab'e Korintho 5:2

Kale musobola mutya okwetwala ng'aba ghaigulu? Mwandibaire nga munakughala bunakughale, era omusaadha eyakola ekintu oti n'ekyo abingibwe mu imwe abantu ba Katonda.

1 Ab'e Korintho 5:6

Timuli batuufu okwetwala okuba aba ghaigulu. Timwidhi ng'ekizimbulukusa ekitono kizimbulukusa engaano yoonayoona mwe kiteereibwa?

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.

Ab'e Galatia 5:20

okusinza ebitali Katonda, okuloga, enzigu, okukanamuka, ensaalwa, okudhuunadhuuna, okwebitiriza, okuba n'obutaisania, okweyawulamu,

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Ab'e Galatia 5:26

Tulobe kwegungumaza, waire owundi okwesonsa ku mwine, oba okumugemerwa ensaalwa.

Ab'e Galatia 6:13

Kuba n'abo beene abajiira ku ky'okukeketebwa tibagema Mateeka, aye benda imwe mukeketebwe olwo beesuute olw'okubapikiriza ni muganha omukolo obukolo ogwo ogukolebwa ku mubiri.

Ab'e Filippi 1:15

Mu butuufu ghaligho abakobera abantu ebigema ku Kurisito olw'ensaalwa n'okwenda okusinganwa ninze, aye abandi bakikola mu mwoyo mukalamu.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

1 Timotheo 2:4

era ayenda abantu boonaboona balokolebwe bamanhe amazima;

1 Timotheo 6:4

yeepanka era azira ky'aidhi. Yeemalira mu kutakana na kusoola olw'ekibono kino oba kire. Omwo n'omutanuka ensaalwa, obutaisania, okuvumagana, okulowookeza abandi ebiziragho

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Yakobo 3:16

Kuba aghaba ensaalwa n'okweyendeza, n'aghaba n'okutabukatabuka n'emize emibi eja buli nsambo.

Yakobo 5:19

Aboluganda, owundi ku imwe bw'adaaliima n'ava ku mazima, memale omuntu owundi n'amwiza,