Yakobo 2:9 - Baibuli Ekibono kya Katonda 2014

⁹ Aye bwe muboola abantu olw'emboneka yaibwe muba mukoze ekibi, era muba muli bamenhi ba Mateeka.

Yakobo 2:9 ပူးပေါင်းရင်းမြစ်များ

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Yoanne 16:8

Era bw'aliidha alirumiriza ensi ku bigema ku kibi, ku butuufu era ni ku kusalirwa omusango.

Yoanne 8:46

“Naani ku imwe anumiriza ekibi kye naali nkoze? Oba nga mbakobera ekituufu lwaki timundhikiriza?

Yoanne 8:9

Bwe yabakoba atyo baatoolera okuvaagho mulala mulala ng'abakaire n'abatoolereza. Yesu yaasigala agho n'omukazi ng'akaayemereire agho.

Ebikolwa by'Abatume 10:34

Agho Petero yaatoolera okwogera, yaakoba ati: “Bwenebwene mperaano ntegeereire irala nga Katonda taboola mu bantu.

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

1 Ab'e Korintho 14:24

Aye boonaboona bwe baba nga bali kulanga, memale ataikiriza oba ow'endha naingira, by'awulira byonabyona bimulumiriza olw'ebibi bye, era byamusalira omusango.

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

1 Yoanne 3:4

Yeenayeena akola ekibi amenha amateeka, kuba ekibi n'obumenhi obw'amateeka.

Yuda 1:15

okusalira abantu boonaboona omusango gubasinge olw'ebikolwa byaibwe byonabyona eby'obutatya Katonda, n'olw'ebibono eby'obukambwe byonabyona abatatya Katonda bye baamwogeraku.”