Yakobo 2:6 - Baibuli Ekibono kya Katonda 2014

⁶ Aye imwe munhooma abaavu! Abakombe ti n'ababatuntuza? Ti ni beene abo ababatwala ni babakuba mu mbuga?

Yakobo 2:6 ပူးပေါင်းရင်းမြစ်များ

Yobu 20:19

olw'okuba yatuntuza abaavu yaabalekulira agho, yaanhaga endhu dh'ataazimba.

Zabbuli 10:10

Abagwaku n'amaani ge amangi einho, baasigala ku itaka nga gabawoire.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 10:2

Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 10:8

Yeeteega abantu mu byalo, yaitira abantu mu ngiso abaziraku musango. Aleemesa abo abaziraku ababeera, ng'ayenda okubakola akabi.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 14:6

Abakozi b'ebibi balemya omwavu okutuukiriza entegeka dhe, ate nga Musengwa Katonda n'amukuuma.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Ensambo 18:23

Omwavu ayogera nga yeewooya, aye omukombe airamu na bukambwe.

Ensambo 22:16

Omuntu atuntuza omwavu ng'ayenda okweyongeraku obukombe, oba n'agha abakombe ebirabo, amala mwene yaayavughala.

Ensambo 22:7

Abakombe n'abafuga abaavu, era ole eyeewola afuuka mwiru w'ole amuwola.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Habakkuku 3:14

Wafumita omuduumizi ow'abalwani be n'obulaso, ku lule lwe baidha okutusansaania nga bali ng'oti ni kiwunga ow'amaani, nga beesuuta ng'oti n'abaja okutuntuza abaavu aghazira kubakobaku naire.

Zekaria 7:10

Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Yoanne 8:49

Yesu yaabairamu ati: “Nziraku muzimu mubi. Lata wange mmutaamu ekinhagansi aye imwe mumudhuuluusa.

Ebikolwa by'Abatume 13:50

Aye Abayudaaya baapikiriza abakazi ab'ekitiisa era abaidhumbiranga eidiini, n'abasaadha abakulu ab'ekibuga, baatoolereza okukiriga Paulo ni Barunaba era baababinga mu kiketezo kyaibwe.

Ebikolwa by'Abatume 17:6

Era bwebataababona, baakwekwebya Yasoni n'aboluganda abandi baabatwala y'abalamuzi nga bwe baasiikana bati: “Abantu bano abaleeta ebizibu woonawoona, baidhie ni ghano,

Ebikolwa by'Abatume 18:12

Gallio bwe yali nga n'afuga Akaia, Abayudaaya beeyimba ghalala, baagema Paulo baamutwala mu mbuga.

Ebikolwa by'Abatume 8:3

Aye Saulo yaazikiriza Ekikunsu ky'Abaikiriza mu Kurisito nga angira kiisi nhumba yaagemamu abasaadha n'abakazi yaabata mu ikomera.

1 Ab'e Korintho 11:22

Ki? Muzira maka gaimwe mwe musobola kuliira na kunhwera? Oba munhooma bunhoome Ekikunsu eky'Abaikiriza mu Kurisito ekya Katonda, na kuswaza abo abazira ke bali nako? Munsuubira kubakoba ki ku nsonga eno? Munsuubira kubasiima? Bbe, tiidha kubasiima.

Yakobo 2:3

memale n'ofa ku ole avaire ebivaalo eby'omughendo n'omukoba oti: “Iwe tyama ghano aghalungi,” aye ole omwavu n'omukoba oti: “Yemerera ghale” oba oti: “Idha otyame ghano gha nsi gha bigere byange”,

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Yakobo 5:6

Omuntu azira musango mwamusalira omusango okumusinga, mwamwita. Tiyaghaghaana!