Yakobo 2:18 - Baibuli Ekibono kya Katonda 2014

¹⁸ Aye ole aidha kukoba ati: “Iwe oli na kwikiriza aye nze ndi na bikolwa.” Oyo nze mmukoba nti: “Ndaga okwikiriza kwo okuziraku bikolwa, nze ndidha kukulaga okwange nga nkozesa ebikolwa.”

Yakobo 2:18 ပူးပေါင်းရင်းမြစ်များ

Ab'e Roma 14:23

Aye oyo abuusabuusa ky'alya, Katonda amusalira omusango bw'akirya. Kuba ekikolwa kye tikijiira ku kwikiriza, era kiisi ekitajiira ku kwikiriza kiba kibi.

Ab'e Roma 3:28

kuba tukakalisa irala ng'omuntu abalibwa okuba omutuukirivu lwa kwikiriza, ti lwa kugema Mateeka.

Ab'e Roma 4:6

Kino Daudi kye yali akoba bwe yayogera ku mukisa gw'omuntu Katonda y'abala okuba omutuukirivu nga ghazira ky'akoze, ng'akoba ati:

Ab'e Roma 8:1

Kale ni abo abali mu Kurisito Yesu tibakaali na musango.

Ab'e Roma 9:19

Agho mwidha kunkoba muti, oba nga kiri kityo, lwaki Katonda anenia omuntu? Naani asobola okulobera Katonda ky'ayenda?

1 Ab'e Korintho 13:2

Era ni bwe mba n'amaani ag'obulanzi, ni ntegeera ebyama bya Katonda byonabyona, era ni mmanha ebintu byonabyona, era ni bwe mba n'okwikiriza okusobola okusimulagho ensozi, aye ni mba nga tigonza bantu banange, tiba na muganhulo.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

Abaheburayi 11:31

Okwikiriza n'okwawonia malaaya Rahabu n'atazikirira n'abo abataikiriza, kuba yasangaalira abakeesi.

Abaheburayi 11:33

Okwikiriza n'okwabasobozesa okughangula bakyabazinga, baakola ekituufu era baafuna ebyo Katonda bye yabasuubiza. Baalobera empologoma okwasama,

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

Yakobo 2:14

Aboluganda, kiganhula ki omuntu okukoba ati ali n'okwikiriza ng'ate ebikolwa bye tibyoleka kwikiriza okwo? Okwikiriza kwe okwo kughanga okumulokola?

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.