Yakobo 2:14 - Baibuli Ekibono kya Katonda 2014

¹⁴ Aboluganda, kiganhula ki omuntu okukoba ati ali n'okwikiriza ng'ate ebikolwa bye tibyoleka kwikiriza okwo? Okwikiriza kwe okwo kughanga okumulokola?

Yakobo 2:14 ပူးပေါင်းရင်းမြစ်များ

Yeremia 7:8

“Aye kale muja mwesigulira ku bibono eby'obuguya ebitayamba naire.

Matayo 5:20

Ka mbakobere: okutoolaku ng'obutuufu bwaimwe busingaku obw'Abanamateeka n'Abafarisaayo, timulingira mu Bwakyabazinga bwa mu igulu.

Luka 3:11

Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Luka 6:49

Aye oyo awulira ebibono byange n'atabijiiraku afaanana ng'oti n'omuntu eyazimba endhu ku itaka nga tatairegho musingi, era omwiga bwe gwayalaala ni gugibanda, mangu ago ng'egwa era yaasaanagho.”

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

Ebikolwa by'Abatume 8:13

Ni Simoni mwene yeena yaikiriza era bwe yamala okubatizibwa, yaaba ghalala ni Filipo. Bwe yabona obumanhiso n'ebyewuninkiriza Filipo bye yakola, yeewuunhia inho.

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

Ab'e Roma 2:25

Okukeketa kukugasa bw'oba ng'ogema Amateeka, aye bw'odheemera Amateeka oba ng'atali mukekete.

1 Ab'e Korintho 15:2

Gano n'ag'okubalokola bwe mugajiiraku, okutoolaku ng'okwikiriza kwaimwe tikwali kwa mazima.

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati:

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

Yakobo 1:16

Aboluganda abagonzi, batabasubaghanga.

Yakobo 2:16

kiganhula ki okumukoba oti: “Nkwendeza nkabi, empewo etakufuuwa, era endhala etakuluma,” aye nga ghazira ky'omughaire ku byetaago bye eby'omubiri?

Yakobo 2:18

Aye ole aidha kukoba ati: “Iwe oli na kwikiriza aye nze ndi na bikolwa.” Oyo nze mmukoba nti: “Ndaga okwikiriza kwo okuziraku bikolwa, nze ndidha kukulaga okwange nga nkozesa ebikolwa.”

Yakobo 2:26

Kuba ng'omubiri oguziramu mwoyo bwe guba omufu, n'okwikiriza okuziramu bikolwa kutyo bwe kuba okufu.

2 Petero 1:5

Olw'ekyo mwefubirize inho, ku kwikiriza kwaimwe mwongereku ebikolwa ebikalamu ku bikolwa ebikalamu mwongereku okumanha