Yakobo 1:5 - Baibuli Ekibono kya Katonda 2014

⁵ Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

Yakobo 1:5 ပူးပေါင်းရင်းမြစ်များ

1 Ebyomubyanda 22:12

Era nsaba inho Musengwa Katonda wo akughenga amagezi n'okutegeera, oghange okufuganga Isiraeli ng'ojiira ku Mateeka ge.

2 Ebyomubyanda 1:10

nkusaba ompe amagezi n'okumanha, nsobole okukulembera abantu bano kuba naani asobola okufuga eighanga lyo lino eikologho liti?”

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Okuvaayo 31:3

Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya.

Okuvaayo 31:6

Era naamulonderaku Oholiabu mutabane wa Ahisamaka ow'ekika kya Dani. Era naagha ekitone eky'obusobozi abo boonaboona abakozi ab'amagezi, baghange okukola ebyo byonabyona bye ndi kulagira okukola.

Ensambo 8:17

Ngonza abo abangonza, abo abandhagala n'omwoyo omulala bambona.

Matayo 11:20

Agho Yesu yaatoolera okuvumirira ebibuga mwe yali akoleire ebyewuunhio kamaala, ni biroba okwenenia.

Mariko 16:14

Olwasembayo yaabonekera eikumi n'omulala nga batyaime balya, yaabanenia olw'obutaikiriza abo abaamubona ng'azuukiire.

Yoanne 14:13

Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana.

Yoanne 15:7

Bwe muba mu nze n'ebibono byange ni biba mu imwe, musabenga kyonakyona kye mwenda kinaabakolerwanga.

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.