Yakobo 1:27 - Baibuli Ekibono kya Katonda 2014

²⁷ Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.

Yakobo 1:27 ပူးပေါင်းရင်းမြစ်များ

Zabbuli 119:1

Ba nkabi abo abaziraku kye banenezebwa, abatambulira ku mateeka ga Musengwa Katonda.

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Matayo 12:32

Era n'oyo alisala ku Mwana w'Omuntu ekibono alisoniyibwa aye oyo alyogera ekibi ku Mwoyo Mutukuvu, talisoniyibwa, idho ni lule.

Matayo 5:8

Ba nkabi ab'omwoyo omulungi, kuba balibona Katonda.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

Ab'e Roma 2:13

kuba abatuufu n'abo abakola Amateeka bye galagira, aye ti abo abagawulira obuwulire.

Ab'e Galatia 1:4

Yesu Kurisito ono n'eyeeghaayo olw'okwona kwaife atununule mu byanda bino bye tulimu buti ebyonooni, nga Katonda Lata waife bwe yayenda.

Ab'e Galatia 3:11

Mperaano, kyeyoleka bukalamu nga ghazira aba mutuukirivu lwa Mateeka, kuba kyaghandiikibwa kiti: “Oyo aba omutuukirivu olw'okwikiriza aliba mulamu.”

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

Amateeka Agokubiri 14:29

Olwo Abalevi abazira mugabo gwa itaka lya nsikirano nga imwe bwe muli nagwo, n'abasenze, ni bamulekwa, ni banamwandu abali mu bibuga byaimwe, banaidhanga baafuna ku mere eyo, baalya baiguta olwo Musengwa Katonda waimwe aghange okubagha imwe enkabi mu byonabyona bye munaakolanga.”

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 5:4

Bwe ghabaagho namwandu ali n'abaana oba abaidhukulu, bano basookenga okumanha endhikiriza yaibwe ky'ebakoba okukoleranga amaka ag'ewaibwe, n'okusasulaku abazaire baibwe kuba ekyo Katonda ky'asiima.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yakobo 3:9

Lwe tukozesa okusaaka Musengwa era Lata, ate era lwe tukozesa okufuugha abantu beene abaakolebwa mu kifaananie kya Katonda.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

2 Petero 1:4

Muno mwe yatugheera emikisa gye emingi era egy'omughendo gye yasuubiza, olwo imwe musobole okuwona okuzikirira okuva mu kwegomba okw'omubiri nga mubita mu mikisa egyo, era mugabane ku bwakatonda bwe.

2 Petero 2:20

Abantu bwe bamala okuwona obubi obw'ensi eno nga babita mu kumanha Musengwa waife era Omulokozi Yesu Kurisito, memale kabiri ni babwiramu era ni bubaghangula, embeera yaibwe ku nkomerero eba mbi inho okusinga eyasooka.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.