Yakobo 1:11 - Baibuli Ekibono kya Katonda 2014

¹¹ Endhuba bw'evaayo n'omusana gwayo ogw'amaani, eniaza ekimera ekimuli kyakyo kyagwa n'obulungi bwakyo bwawaagho. N'omukombe atyo bw'aliwaagho mu ebyo by'akola.

Yakobo 1:11 ပူးပေါင်းရင်းမြစ်များ

2 Samueli 22:46

Emyoyo gyabawaamu ira, era baavaayo mu bufo bwaibwe obugumu obw'okwegisaamu nga badhugumira.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 102:4

Ndi muniavu ng'oti n'eisubi lye bakubye, era neerabira n'okulya emere.

Zabbuli 103:15

Enaku edh'obulamu bw'omuntu ntono ng'oti n'eisubi lye dhimala. Omuntu akula bukalamu yaagimuka ng'oti kimuli kya mu nsiko,

Zabbuli 37:2

kuba amangu n'embiro baja kuwaagho ng'oti isubi, baniale ng'oti n'ebimera.

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 90:6

ku nkyo lisituka lyaboneka bukalamu, aye eigulo lyaniala lyafa.

Omulangirizi 5:15

Nga bwe yava mu nda ya inhina ng'ali bwereere, era atyo bw'aja okuva ku nsi. Ghazira ky'alitwala ku ebyo bye yafaabiikanira.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Isaia 28:4

Ekitiibwa ky'abakulembeze abo abatamiivu kiriwaagho mangu ng'oti n'ebibala by'emiti emitiini ebisookereza okwenga, abantu bye babona ni babinoga, era ni babirya amangu geene nga byakenga.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Matayo 13:6

Aye endhuba olwavaayo, ng'edho edhaali dhimeze dhiniala, era olw'obutaba na mizi nga dhikala.

Matayo 20:12

“Bano abasembyeyo okwidha bakoleire bwa saawa ndala, aye mbo waabaazayaza n'ife abakoze olunaku lwonalwona nga n'omusana gutumamula?”

Matayo 6:30

Kale oba Katonda avaaza atyo eisubi ery'omu nsiko eririgho leero ate enkyo ni lisuulibwa mu muliro, talisingagho kubavaaza, imwe abali n'okwikiriza okutono?

Mariko 4:6

tidhaaba na mizi, era endhuba olwavaayo ng'obusimbe buniala, nga bukala.

1 Ab'e Korintho 7:31

Abo abajiira ku bintu eby'omu nsi, babe ng'oti tibabijiiraku. Kuba ensi eno nga bw'eri mperaano, eri kumpi kukoma.

1 Petero 1:4

Era n'okufuna omugabo ku birungi bya Katonda ebitawaagho, ebitayonooneka era ebitasiiwuuka, ebyabaterekerwa mu igulu.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.