Tito 3:13 - Baibuli Ekibono kya Katonda 2014

¹³ Fuba nga bw'osobola okutegekera Zena Omunamateeka era ni Apollo mu olugendo lwaibwe, obone nga kiisi kye benda bali nakyo.

Tito 3:13 ပူးပေါင်းရင်းမြစ်များ

Matayo 22:35

Era mulala ku abo, nga Munamateeka, yaamubuuza ng'amuleba ati:

Luka 10:25

Ghaabaagho Omunamateeka yaasituka yaaleba Yesu ng'akoba ati: “Mwegeresa, nkole ki okufuna obulamu obutawaagho?”

Luka 11:45

Agho mulala ku Banamateeka yaamukoba ati: “Mwegeresa, bw'okoba otyo, twena oba otuvumye.”

Luka 11:52

“Mukagwireku imwe Abeegeresa b'Amateeka, kuba mwatoolagho ekisumuluzo eky'okumanha! Imwe beene timwangira ate mwalobera n'abandingiire.”

Luka 14:3

Yesu yaabuuza Abeegeresa b'Amateeka n'Abafarisaayo ati: “Kiikirizibwa okuwonia ku lwa Sabbato oba bbe?”

Luka 7:30

Aye Abafarisaayo n'Abanamateeka baaloba amagezi ga Katonda, era tiyababatiza.

Ebikolwa by'Abatume 15:3

Agho ab'Ekikunsu eky'Abaikiriza mu Kurisito bwe baamala okubatuma, bano baabita mu Foenikia ni mu Samaria nga baja bainhonhola okukyuka kw'abamaghanga agandi ni baikiriza. Era kino kyasangaaza inho aboluganda.

Ebikolwa by'Abatume 18:24

Agho Omuyudaaya ayetebwa Apollo, eyazaalibwa mu Alekisanderia, yaidha mu Efeso. Yali mwogezi mukalamu era nga aidhi inho Ebyaghandiikibwa.

Ebikolwa by'Abatume 19:1

Apollo bwe yali mu Korintho, Paulo yaabita mu kiketezo eky'eitale yaatuuka mu Efeso, yaayagaanayo abandi ku baikiriza,

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.

Ebikolwa by'Abatume 28:10

Baatugha ebirabo kamaala era bwe twatuusa ekiseera okuvaayo baatugha byonabyona ebyali byetaagisa mu lugendo.

Ab'e Roma 15:24

bwe ndiba nga nja mu Supania, nsuubira okubitiraku ewaimwe eyo mbaboneku enaku edhigheraku. Bwe ndiba mmaze okusanhukiraku aghalala n'imwe, nhenda munhambe okuntuusa mu Supania.

1 Ab'e Korintho 16:11

Ghatabangagho amunhooma, aye mumwanguyize olugendo lwe lube lukalamu aire ye ndi, kuba ndi kumusuubira okwira n'aboluganda.

1 Ab'e Korintho 16:12

Aye owoluganda Apollo namukoba inho aidhe abakyalire ghalala n'aboluganda abandi, aye tiyayenda kwidha buti. Aliidha nga afunie akaghagaanhia.