Tito 3:1 - Baibuli Ekibono kya Katonda 2014

¹ Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Tito 3:1 ပူးပေါင်းရင်းမြစ်များ

Ensambo 24:21

Mwana wange otyanga Musengwa Katonda ni kyabazinga, era otabadheemeranga.

Omulangirizi 10:4

Ole akufuga bw'akusungughaliranga otavanga ku mulimo gwo, kuba bwe weewooya asobola okukusonigha n'emisango eminene.

Isaia 43:26

Mwidhukire eby'eira era tunoonereze ensonga. Mughe empoza yaimwe mwoleke nga bwe muli abatuufu.

Yeremia 27:17

Mutawulirisa bye babakoba. Mugondere kyabazinga w'e Babilonia, olwo mwidha kuba balamu. Lwaki ekibuga kino kyandifuuse emungo edh'ebifunfugu?

Matayo 22:21

Baakoba bati: “Bya Kaisari.” Agho yaabakoba ati: “Kale ni ebya Kaisari mubiirize Kaisari n'ebya Katonda mubiirize Katonda.”

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Amateeka Agokubiri 17:12

Omuntu yeenayeena aneekuluntazanga, n'atawulira mulamuzi oba kabona ali eyo mu luwalo olw'okugheereza mu maiso ga Musengwa Katonda, aidha kwitibwanga bwitibwe mu nsambo eyo mwidha kwetoolangaku ekibi ekyo mu Isiraeli.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

1 Timotheo 2:2

Era musabirenga abafuzi ni boonaboona abali mu buyinza, olwo tube bukalamu nga tuli miraala, nga tutya Katonda era nga twebisa bukalamu.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

2 Timotheo 1:6

Kyenva nkwidhusa okukuumanga ekirabo ekiri mu iwe Katonda kye yakugha lwe nakwisaaku emikono, kirobe kuzikirira

2 Timotheo 2:14

Baidhuse kino era obasikirire mu maiso ga Musengwa, balobenga kutakana lwa bibono bubono. Kino kiziramu muganhulo okutoolaku okwitaitana abawulira.

2 Timotheo 2:21

Omuntu bwe yeetukuza n'ava mu bibi byonabyona, afuuka ekibya ekikozesebwa emirimo egy'ebbeeyi, ng'atukuziibwa era nga wa mugaso ye Musengwa era eyeetegeike okukola omulimo gwonagwona omukalamu.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 3:14

Abantu baife bagwaine beege okukozesanga ebiseera byaibwe obukalamu, nga bakola emirimo omuva ebyetaago balobe kuba agho nga bazira kye bagasa.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

2 Petero 1:12

Kale ndidha kubaidhusanga ebintu ebyo, waire nga mubiidhi era waire nga mwekalanguliire ku mazima ge mwafuna.

Yuda 1:5

Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.