Tito 2:13 - Baibuli Ekibono kya Katonda 2014

¹³ Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Tito 2:13 ပူးပေါင်းရင်းမြစ်များ

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Mariko 14:62

Agho Yesu yaakoba ati: “Ninze. Era mulibona Omwana w'Omuntu ng'atyaime ku mukono omusaadha ogw'ow'obukumu, era ng'aidhira mu bire eby'eigulu.”

Mariko 8:38

Omuntu nze ye ngemya ensoni, n'ebibono byange ye bigemya ensoni mu nnaku dhino edh'abatatya Katonda n'aboonooni, yeena Omwana w'Omuntu alimugemerwa ensoni lw'aliira mu kitiisa kya Ise ni bamalaika abatukuvu.”

Ebikolwa by'Abatume 24:15

Ndi n'eisuubi mu Katonda ng'abo beene bwe bali nalyo, ng'abalungi n'ababi balizuukira.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 5:5

Eisuubi lino tirituswaza, kuba Katonda ayugha okugonza kwe mu myoyo gyaife ku lwa Mwoyo Mutukuvu ye twagheebwa.

Ab'e Roma 8:18

Tidhuuba nga okudaagadaaga buti kwe tulimu kughanga okwagayaga n'ekitiisa ekiritwolekebwa.

1 Ab'e Korintho 1:7

Olwo ghaabula ekitone eky'omwoyo kyonakyona kye muzira, nga bwe muteegerera okweyoleka kwa Musengwa waife Yesu Kurisito.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Kolosai 1:23

Aye niini, muli n'okuba n'okwikiriza nga mwekalangwire aghazira kwekyusa, era nga timuviire ku kusuubira okw'Amawulire Amalungi ge mwawulira. Zeena Paulo nafuuka mugheereza w'Amawulire gano agaakoberwa buli kitonde kyonakyona ekiri ghansi gh'eigulu.

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

Ab'e Kolosai 1:5

olw'ebyo bye musuubira, ebyabakuumirwa mu igulu. Bino mwabiwuliraku mu bibono eby'amazima, Amawulire Amalungi.

Ab'e Kolosai 3:4

Kurisito n'obulamu bwaife era bw'aliboneka olwo mwena mulibonekera ghalala naye mu kitiisa.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

2 Timotheo 1:2

Mpandiikira Timotheo omwana wange omugonzi. Katonda Lata, ni Kurisito Yesu Musengwa waife akughe enkabi n'emiraala, era akusaasire.

2 Timotheo 4:1

Nkusikirira mu maiso ga Katonda ni Kurisito Yesu, aja okusalira abalamu n'abafu omusango, era aja okwira okufuga nga Kyabazinga.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Tito 1:4

Mpandiikira Tito omwana wange mwenemwene bwe twikiriza obulala. Katonda lata ni Kurisito Yesu Omulokozi waife akughe enkabi n'emiraala.

Tito 3:4

Aye Katonda Omulokozi waife bwe yayoleka ekisa kye n'okugonza kwe kw'agonzaamu abantu,

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

Yuda 1:21

era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.