Tito 1:9 - Baibuli Ekibono kya Katonda 2014

⁹ Ateekwa okunhweza endhegeresa entuufu nga bw'eyegeresebwa, memale aghange okugumya abantu mu ndhegeresa entuufu era n'okwoleka obukyamu bw'abo abagitakania.

Tito 1:9 ပူးပေါင်းရင်းမြစ်များ

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 27:6

Ndidha kugumira ku kuba omutuufu; omwoyo gwange guzira kye gunvunaana obulamu bwange bwonabwona.

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ebikolwa by'Abatume 18:28

Kuba yatakananga inho n'Abayudaaya era yaabasingiranga mu maiso g'abantu, ng'akozesa Ebyaghandiikibwa okukakasa ati Yesu, ni Kurisito.

1 Ab'e Korintho 14:24

Aye boonaboona bwe baba nga bali kulanga, memale ataikiriza oba ow'endha naingira, by'awulira byonabyona bimulumiriza olw'ebibi bye, era byamusalira omusango.

1 Ab'e Thessalonika 5:21

Byonabyona mubyekebeedhenga, ebikalamu mubigemenga,

2 Ab'e Thessalonika 2:15

Agho ni, aboluganda, mwekalangulire ku by'amazima bye twabeegeresa, mu bibono bye twayogera ni mu mbaluwa yaife.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

1 Timotheo 1:19

ng'oli n'okwikiriza era n'omwoyo omwamufu; kuba abandi abaaloba okuba n'omwoyo ogwo bafiirwa okwikiriza kwaibwe.

1 Timotheo 4:9

Ekibono kino kituufu kyene, era kigwaine okwikiriza.

1 Timotheo 6:3

Omuntu yeenayeena ayegeresa mu nsambo eyindi nga taisania na bibono bituufu ebya Musengwa waife Yesu Kurisito era nga taisania na ndhegeresa ya kutya Katonda,

2 Timotheo 1:13

Ojiiranga ku bibono byange ebituufu nga bwe wampuliranga nga mbyogera. Kino kikolenga ng'oli mu kwikiriza ni mu kugonza ebiri mu kuba ekirala mu Kurisito Yesu.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

2 Timotheo 3:14

Aye iwe weeyongere okugumira ku ebyo bye wayega, era n'obiikiririza irala, olw'okumanha abo be wabyegeraku.

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

Tito 1:11

Abantu abo bateekwa okusirisibwa, kuba bali kukiidhamya okwikiriza okw'amaka amalambirira kamaala, nga beegeresa ebyo bye batagwaniire kwegeresa olw'okwenda okugwidhubanira eby'okufuna.

Tito 2:1

Aye iwe yegeresanga ebyo ebiisania n'endhegeresa entuufu.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.

Okwolekebwa 2:25

okutoolaku okubakoba okukalangula ekyo kye muli nakyo okutuusa lwe ndiidha.

Okwolekebwa 3:11

Ndi kwidha mangu. Kalangula ky'oli nakyo ghalobe kubaagho akutwalaku kirabo kyo eky'obughanguzi.

Okwolekebwa 3:3

“Kale idhukira bye wayegeresebwa ni bye wawulira, obigeme era weenenie. Bw'otaazuuke ndidha kwidha ng'omwibi, era tolimanha kaseera ke ndiidhiramu y'oli.