Tito 1:7 - Baibuli Ekibono kya Katonda 2014

⁷ Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.

Tito 1:7 ပူးပေါင်းရင်းမြစ်များ

Amainhama 49:6

Tiryeyimba nabo mu ntegeka dhaibwe edh'okukola ebibi, waire okutyama nabo mu neekobaano dhaibwe; kuba mu busungu bwaibwe baita abasaadha, era mu iralu lyaibwe baatema ente ebigere.

Ensambo 14:17

Omuntu asungughala amangu akola eby'ekisiru, aye omwegendereza aba muguminkiriza.

Ensambo 15:18

Omuntu asungughala amangu asiikuula okusoola, aye ole alwagho okusungughala amalagho obutaisania.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Omulangirizi 7:9

Otayanguyirizanga kusungughala, kuba mu mwoyo ogw'omusiru mwidhula busungu bwereere.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Ezekieli 44:21

Kabona taidha kwingiranga mu luya lwa munda ng'anhweire omwenge.

Abalevi 10:9

“Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Matayo 24:45

“Naani omugheereza omulungi era omugezi? Oyo musengwa we ye yalekera ab'omu maka ge okubaghanga emere yaibwe mu kiseera ekituufu?

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

Tito 1:5

Nakuleka mu Kurete omalirize ebyali bikaali kugondhooka, era oteegho abakulembeze ab'Ekikunsu eky'Abaikiriza mu Kurisito mu kiisi kibuga nga bwe nakulagira.

Tito 2:3

Abakazi abakulu boona bakubirizenga, babenga n'empisa edhigwanira abantu abatya Katonda nga tibasalagania bibono, era nga ti batamiivu. Bateekwa okwegeresanga ebigwaniire,

1 Petero 4:10

Nga kiisi mulala ku imwe bwe yagheebwa ekitone, akikozesenga bukalamu baine baganhulwe. Kino akikolenga ng'omughanika ow'ebirungi bya Katonda ebya buli nsambo bwe yandikoze.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.