Tito 1:6 - Baibuli Ekibono kya Katonda 2014

⁶ Oyo y'olonda ateekwa okuba ng'aziraku ky'anenezebwa era ng'ali n'omukazi mulala yenka. Abaana be bateekwa kuba abaikiriza mu Kurisito, era nga tibabalirwa mu balalulalu waire mu badheemu.

Tito 1:6 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Ensambo 28:7

Omwana agema amateeka aba mugezi, aye ole eyeeyimba mu bawuuduukira eby'okulya, aswaza omuzaire we.

Ezekieli 44:22

Kabona taafumbirwenga mukazi eyanoba, oba ye baabinga mu irya. Aidha kufumbirwanga mughala Muisiraeli omwegha, oba namwandu ow'eyali kabona eyafa.

Abalevi 21:14

se ti namwandu, oba omukazi eyaliku malaaya, oba oyo eyabingibwa ewa iba. Anaabayizanga omughala akaali omwegha ow'omu bantu be beene,

Abalevi 21:7

“Kabona atabayizanga mukazi eyakolaku obwamalaaya, oba omukazi atali mwegha, oba oyo eyabingibwa ewa iba, kuba kabona yayawulirwa Katonda we.

Malaki 2:15

Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

Luka 1:5

Mu biseera bya Herode, kyabazinga wa Buyudaaya, ghaaligho kabona nga bamweta Zekaria, nga wa mu kikunsu kya Abiya. Ni mukazi we nga bamweta Elisabethi, nga mwidhukulu wa Aaroni.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Ab'e Thessalonika 5:14

Aboluganda, tubakubiriza okulabulanga abagayaavu, mugumyenga abatali bagumu mu myoyo, mubeerenga abanafu, era muguminkirizenga abantu boonaboona.

1 Timotheo 1:9

Tugwaine tukimanhe ng'amateeka tigateebwagho lwa bantu batuufu, aye lwa abo abagamenha n'abadheemu abatatya Katonda, n'aboonooni abatali batukuvu, n'abatatya bitukuvu, n'abatemula baiseibwe ni bainhaibwe, n'abatemo abandi.

1 Timotheo 3:12

Omugheereza ateekwa okuba n'omukazi mulala yenka, era ateekwa okuba ng'aghanga okufuga abaana be n'amaka ge bukalamu.

Tito 1:10

Ghaligho abadheemu kamaala aboogera ebiziramu era abaguya, era ng'okusingira irala bali mu abo abasemba eky'okukeketa.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 2:22

Agho Eli yali akairiighe inho, era ng'awulira batabane be bye baakolanga Abaisiraeli boonaboona, era ni babanga mu buliri n'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.