Tito 1:5 - Baibuli Ekibono kya Katonda 2014

⁵ Nakuleka mu Kurete omalirize ebyali bikaali kugondhooka, era oteegho abakulembeze ab'Ekikunsu eky'Abaikiriza mu Kurisito mu kiisi kibuga nga bwe nakulagira.

Tito 1:5 ပူးပေါင်းရင်းမြစ်များ

1 Ebyomubyanda 6:32

Baagheerezanga mu ngobo nga bemba mu Weema ey'Okwagaananirangamu ni Musengwa Katonda, okutuusa kyabazinga Solomoni bwe yazimba eisinzizo lya Musengwa Katonda mu Yerusalemu.

Omulangirizi 12:9

Olw'okuba Omulangirizi yali mugezi, yeeyongeranga okusomesa abantu eby'okumanha. Yeekebeedhanga ensambo, yaadhisengeka bukalamu n'obwegendereza bungi.

Isaia 44:7

Naani ali ng'oti ninze? Bw'aba ng'aliyo, akyogere akikakase mu maiso gange. Naani okuva eira n'eira eyalangiriranga ebyali bija okubaagho? Kale buti leka akobere abantu n'ebyo ebija okubaagho.

Abalevi 14:42

Olwo banaatoolanga amabaale, baagazimba mu bifo bire ebitooleibwamu, era baatoola seminti owundi baakuba ku bimante.

Ebikolwa by'Abatume 11:30

Baakola batyo era baatuma Barunaba ni Saulo okutwala obuyambi obwo y'abakulembeze ab'Ekikunsu ky'Abaikiriza mu Kurisito.

Ebikolwa by'Abatume 14:23

Bwe baamala okutaagho, abakulembeze mu kiisi Kikunsu ky'Abaikiriza mu Kurisito baabagemya Musengwa ye baikiriza, nga basaba era nga basiiba.

Ebikolwa by'Abatume 2:11

Abayudaaya n'abamaghanga agandi abaakyuka, Abakurete n'Abawarabu, twenatwena twabawulira nga boogera eby'amaani Katonda by'akoze mu nnimi dhaife!”

Ebikolwa by'Abatume 27:12

Era kuba omwalo ti gwali mukalamu gwa kubaamu mu biseera eby'ekiinhogogo, abasinga obungi baateesa baje, oba nga kisoboka batuuke e Foenikia, omwalo ogw'e Kurete, ogulingiriire e buvandhuba, nga weekubiireku ku luuyi lw'omukono omugooda n'omusaadha, babe eyo mu biseera eby'ekiinhogogo.

Ebikolwa by'Abatume 27:13

Kiwunga yaatoolera okukunta mpolampola nga ava ku luuyi olw'omukono omusaadha olw'e buvandhuba. Baadhuuba nga bafunie kye babaire benda. Kale baasitulayo ekizito ekyemereza eryato, era baasimbula eryato baaja nga babitira irala kumpi ni ku bukalu bwa Kurete.

Ebikolwa by'Abatume 27:21

Bwe baamala entangama nga tibalya, Paulo yaayemerera yaabakoba ati: “Bakagwa nguli mwampulirisa ni mutava mu Kurete, okwonoonekerwa n'okufiirwa kuno tibyandibairegho.

Ebikolwa by'Abatume 27:7

Twaseeyeeya mpolampola enaku kamaala okutuusa bwe twasomoka okumpi ni Kunido, nga tubise mu buzibu bungi. Kiwunga bwe yatulobera okweyongerayo, twabita ku mbali kwa Kurete emberi wa Salumone.

1 Ab'e Korintho 11:34

Bwe ghabangagho endhala y'eruma, asookenga kulya ka ewuwe memale olwo okwesoloza kwaimwe kulobe kubaviirangamu Katonda kubasalira musango. Ebindi ndibibakobera nga ndidhie.

1 Ab'e Korintho 14:40

Byonabyona bikolebwenga bukalamu era nga bisengeke.

1 Ab'e Korintho 4:17

Olwa kino ndi kubatumira Timotheo, omwana wange omugonzi era omwesigwa, abaidhukizenga enkola yange mu bulamu buno obuyaaka mu Kurisito Yesu, era ye ndhegeresa mu Bikunsu eby'Abaikiriza mu Kurisito byonabyona.

Ab'e Kolosai 2:5

Waire tiri n'imwe mu mubiri, aye ndi n'imwe mu mwoyo, era okusangaala kwange kuli mu kubona nga mwegemye kimonte, mwekalangula ku kuba n'okwikiriza mu Kurisito.

1 Timotheo 1:3

Nkusaba osigale mu Efeso nga bwe nakusaba nga nja e Makedonia, olobere abo abeegeresa eby'obuguya.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

Tito 1:12

Owundi ku beene abo era omulanzi waibwe mwene yakoba ati: “Abakurete baguya babuliidho, bali ng'oti nsolo dha mu nsiko, bagayaavu era balyalya.”