Tito 1:16 - Baibuli Ekibono kya Katonda 2014

¹⁶ Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 1:16 ပူးပေါင်းရင်းမြစ်များ

Yobu 15:16

Memale olwo aghanga atya okwesiga omuntu omwonoonefu era atagasa, eyeededa ebyonoono ng'oti yeededa maadhi!”

Ensambo 30:12

Ghaligho abeerowooza okuba abalongoofu, aye nga baidhwire bibi.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Yeremia 6:30

Baidha kwetebwanga biseedha bya feeza, kuba nze Musengwa Katonda mbalekuliire agho.”

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Okubala 24:16

Bino n'ebibono by'oyo awulira Katonda by'ayogera, n'amanha amagezi g'oyo Ali Ghaigulu Yeene, era atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

1 Timotheo 1:9

Tugwaine tukimanhe ng'amateeka tigateebwagho lwa bantu batuufu, aye lwa abo abagamenha n'abadheemu abatatya Katonda, n'aboonooni abatali batukuvu, n'abatatya bitukuvu, n'abatemula baiseibwe ni bainhaibwe, n'abatemo abandi.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

2 Timotheo 3:17

Olwo omuntu wa Katonda abe mwetegefu ng'ali n'ebyetaagisa byonabyona okukola kiisi mulimo omukalamu.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

1 Yoanne 2:4

Oyo akoba ati mmwidhi aye nga tagema biragiro bye, omuntu oyo aba muguya era taba wa mazima.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.