Tito 1:15 - Baibuli Ekibono kya Katonda 2014

¹⁵ Eri abantu abaamufu, ebintu byonabyona biba byamufu. Aye eri abo abatali baamufu era abataikiriza, tighaba kyamufu. Kuba ebirowoozo byaibwe, n'emyoyo gyaibwe, byayonooneka.

Tito 1:15 ပူးပေါင်းရင်းမြစ်များ

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 30:12

Ghaligho abeerowooza okuba abalongoofu, aye nga baidhwire bibi.

Haggai 2:13

Kabiri Haggai yaababuuza ati: “Ole asobola okufuuka atali mulongoofu olw'okugema oba okusiinha ku mulambo, ate yaamala yaagema ku by'okulya ebyo. Mpegaano eky'okulya ky'agemyeku, kyona kifuuka ekitali kirongoofu nga mwene?” Bakabona bairamu bati: “Yii, kifuuka ekitali kirongoofu.”

Matayo 15:18

Aye ebintu ebiva mu kanwa biva ku mwoyo, era ebyo n'ebireetera omuntu okuba omwonoonefu

Ebikolwa by'Abatume 10:15

Eiroboozi lyamukoba kabiri liti: “Katonda kye yalongoosa tokyetanga kya muziro.”

Ab'e Roma 14:14

Ndidhi era nkikakasa mu Musengwa waife Yesu, nti ghazira kya kulya kitali kirongoofu, ku bwakyo. Aye omuntu bw'aikiriza nga tiikirongoofu, olwo kifuuka ekitali kirongoofu.

Ab'e Roma 14:20

Otayonoonanga mulimo gwa Katonda olw'eby'okulya. Kiisi kya kulya kighanga okuliibwa, aye ti kikalamu okulya ekintu kyonakyona ekireetera omuntu owundi okugwa mu kibi.

Ab'e Roma 14:23

Aye oyo abuusabuusa ky'alya, Katonda amusalira omusango bw'akirya. Kuba ekikolwa kye tikijiira ku kwikiriza, era kiisi ekitajiira ku kwikiriza kiba kibi.

1 Ab'e Korintho 10:23

Abandi bakoba mbu: “Twikirizibwa okukola buli kintu,” aye omuganhulo ti guli mu byonabyona “Twikirizibwa okukola buli kintu,” aye tikiri nti buli kintu kizimba.

1 Ab'e Korintho 10:25

Kiisi mamba etundibwa mu kiya, mulyenga bulye na mwoyo mulala aghazira kubuuliriza

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Ab'e Korintho 8:7

Aye okumanha kuno tikwa bantu boonaboona. Abandi olw'okumanhirira ebisinzibwa ebitali Katonda, ni ye buli eno bwe balya eby'okulya oti n'ebyo, bawulirira irala mule nga bigheereibwayo eri ebisinzibwa ebitali Katonda. Era olw'omwoyo gwaibwe okuba omunafu, bawulira nga eby'okulya ebyo biboonoine.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?