Ruthi 4:10 - Baibuli Ekibono kya Katonda 2014

¹⁰ Okwo kwe nhongereza okutwala Ruthi Omumoabu namwandu wa Mahaloni nga mukazi wange. Olwo, ebintu ebyo tibiidha kuva mu maina ga bafu, era n'amaina gaibwe tigaidha kwerabirwa mu bantu ab'omu kibuga, nti lwa kubulwa musika. Imwe muli badhulizi b'ebyo olwaleero luno.”

Ruthi 4:10 ပူးပေါင်းရင်းမြစ်များ

Amainhama 29:27

Sooka omaleku enaku omusanvu edh'embaga y'oyo, memale tulikugha owundi, ng'onkoleire kabiri okumala emyaka egindi musanvu.”

Amainhama 38:9

Aye Onani yaamanha ng'abaana abo tibaja kuba babe. Kale buli lwe yabanga ni namwandu wa muganda we, ng'amaadhi agafuka ghansi, alobe kuzaalira muganda we baana.

Zabbuli 109:15

Musengwa Katonda agwananga yaidhukira ebibi byaibwe buli kaakyeire, ate beene, abantu baabeerabirira irala ku nsi.

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Ensambo 18:22

Omuntu afuna omukazi ow'okufumbirwa aba wa nkabi, era Musengwa Katonda amusanhukira.

Ensambo 19:14

Endhu n'eby'obukombe ebindi bisikirwa okuva ku bazaire, aye omukazi omutegeevu aba kirabo okuva ye Musengwa Katonda.

Isaia 48:19

Ab'eizaire lyo bandibaire kamaala ng'oti musenho, nga tibabalika ng'oti mpeke dhaagwo. Era nandibakugiire baaloba kuwaagho kuzikirira.”

Hosea 12:12

Yakobo yalumukira mu nsi Aramu, yaatuuka eyo yaayayiranga omuntu entaama, ng'apakasa asobole okufuna omukazi.

Hosea 3:2

Kale naasasula omwandu gwa bitundu ikumi na bitaanu ebya feeza, ni kilo kikumi n'ataanu edha sayiri.

Zekaria 13:2

Nditoola mu nsi Isiraeli ebisinzibwa ebitali Katonda, ghalobe kubaagho muntu abiidhukira waire okwidhukira amaina gaabyo. Nditoolagho n'abo boonaboona abeeyeta abalanzi, era naatoola ni mu bantu omwoyo ogwenda okusinza ebitali Katonda.

Malaki 2:14

Era mwebuuza muti: “Lwaki takaabisiima?” Ekituufu kiri nti takaabisiima, lwa kuba Musengwa Katonda oyo yali mudhulizi wa ndagaano ey'obufumbo ye mwakola ni bakazi baimwe be mwafumbirwa mu buvubuka bwaimwe. Aye buti timukaali beesigwa ye bali, ate nga ni banaimwe beene era bakazi baimwe ab'endagaano.

Ab'Efeso 5:25

Imwe abasaadha mugonzenga bakazi baimwe, nga Kurisito bwe yagonza Ekikunsu eky'Abaikiriza mu Kurisito ni yeeghaayo ku lwa kyo.

Amateeka Agokubiri 25:6

Omwana omulenzi ye banaasookanga okuzaala baidhanga kumugulika eriina lya muganda we eyafa, olwo eriina eryo lirobe kusaanagho mu Isiraeli.

Abaheburayi 13:4

Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”

Ruthi 4:9

Ebyo nga biwoire Boazi yaakoba abataka abakulu abaaligho n'abantu abandi ati: “Olwaleero muli badhulizi, nga ndi kugula ku Naomi ebyo byonabyona ebyali eby'omufu Elimeleki, n'ebyo ebyali eby'abafu batabane be, Kilioni ni Mahaloni.