Ruthi 4:1 - Baibuli Ekibono kya Katonda 2014

¹ Boazi yaaja mu kifo eky'olwekobaano ku mulyango ogwingira ekibuga, yaatyama. Agho omusaadha asobola okuba omusika wa Elimeleki, Boazi ye yayogeraku asooka, yaidha. Boazi yaamweta ati: “Idha Mukagwa, otyameku ghano.” Yeena yaaja yaatyama.

Ruthi 4:1 ပူးပေါင်းရင်းမြစ်များ

Amainhama 19:1

Bamalaika ababiri bwe baatuuka e Sodoma eigulo eryo, Loti yali ng'atyaime ku mulyango gwa Sodoma. Olwababona ati, yaasituka okuja okubasangaaza. Yaakutama n'ekyeni kyatuuka ku itaka,

Amainhama 23:10

Efuroni mwene yali ng'atyaime ghalala n'Abahitti abandi, mu kifo eky'olwekobaano ku mulyango gw'ekibuga agho yairamu nga n'abaligho boonaboona bawulira ati:

Amainhama 34:20

Hamori ni mutabane Shekemu baaja mu kifo eky'olwekobaano ku mulyango gw'ekibuga kyaibwe, baayogera n'abantu ab'omu kibuga ekyo bati:

2 Samueli 15:2

Abusalomu oyo yaawuunanga, yaayemerera ku ngira aghali omulyango ogwingira mu kibuga. Omuntu yeenayeena eyaidhanga ng'ali n'ensonga yaayenda kyabazinga awulire, Abusalomu oyo ng'amweta yaamubuuza ati: “Oviira mu kibuga ki?” Ole bweyamwirangamu ati: “Nze omugheereza wo ndi wa mu kika lebe eky'omu Isiraeli,”

2 Ebyomubyanda 18:9

Kyabazinga wa Isiraeli ni kyabazinga Yehoshafati owa Buyudaaya, baali bavaire ebivaalo byaibwe eby'obwakyabazinga, nga batyaime, buli muntu ku kityamo kye eky'obwakyabazinga, agho gha kifo aghakubirwa engaano, okumpi n'omulyango ogwingira Samaria. Abalanzi boonaboona baali bali kulanga agho mu maiso gaibwe.

Yobu 29:7

Bwe najanga mu kifo eky'olwekobaano ku mulyango ogwingira mu kibuga, nga nja mu kifo ekyange

Yobu 31:21

Tikupankupaniangaku mulekwa, nga neesiga nti abalamuzi baidha kumbeera.

Zabbuli 69:12

Nafuuka kya kughayaku eri abo abatyama mu kifo ky'olwekobaano, ku mulyango ogwingira mu kibuga, n'abatamiivu bandhiiyaamu enhembo.

Ensambo 31:23

Iba aba mumanhifu mu kifo eky'olwekobaano ku mulyango ogwingira mu kibuga, ng'atyaime n'abakulembeze ab'omu kiketezo kye.

Isaia 55:1

Musengwa Katonda akoba ati: “Mwidhe mwenamwena abali endiwo, mwidhe aghali amaadhi. N'imwe abazira mpiiya mwidhe, mugule emere mulye. Mwidhe mugule omwenge ogw'emizabbibu n'amata aghazira kusasula naire.

Yeremia 32:10

Naata omukono ku ndagaano, twagisibaku akamanhiso okugikakasa, era naayeta n'abadhulizi baabagho. Agho twapima feeza oyo ku minzaani.

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Zekaria 2:6

Musengwa Katonda akoba ati: “Imwe bantu bange! Musitukiremu mulumuke, muve mu nsi eyo eri ku luuyi olw'omukono omugooda olw'e buvandhuba, ye nabasansaaniza ku ndhuyi dhoonadhoona ng'oti n'empewo ey'oku igulu.

Amateeka Agokubiri 16:18

Musa yaakoba Abaisiraeli ati: “Mwidha kutangagho abalamuzi n'abakulembeze mu bibuga byaimwe byonabyona Musengwa Katonda waimwe by'abagha, nga mubatoola mu buli kika kyaimwe. Baidha kusaliranga abantu ensonga mu butuufu.

Amateeka Agokubiri 17:5

omusaadha oyo oba omukazi oyo akoze ekibi ekyo, munaamufulumyanga ku luya kw'ekibuga kyaimwe, mwamukuba amabaale yaafa.

Amateeka Agokubiri 21:19

Abazaire abo banaamutwalanga y'abakulembeze b'ekibuga eky'ewaibwe, mu kifo eky'olwekobaano ku mulyango ogwingira ekibuga ekyo,

Amateeka Agokubiri 25:7

Aye omusaadha oyo bw'anaabanga nga tayenda kubayiza namwandu wa muganda we, namwandu oyo anaajanga y'abakulembeze mu kifo eky'olwekobaano ku mulyango ogwingira ekibuga, yaabakoba ati, ‘Muganda wa baze ali kuloba okugulika eriina lya muganda we okwidhukirwanga mu Isiraeli. Tali kwenda kunkolera ekyo muganda w'omusaadha ky'ateekwa okukolera namwandu.’

Yoshua 20:4

Omuntu oyo aghanga okulumukira mu kindi ku bibuga ebyo, era bw'atuuka eyo ali n'okuja aghasalirwa emisango, agho ku luya ku mulyango ogw'ekibuga, yainhonhola abataka abakulu ab'ekibuga ekyo byonabyona nga bwe byali. Bw'amala nga bamungiza mu kibuga nga bamugha agh'okubanga.

Ruthi 3:12

Aye ekituufu kiri nti waire nze nsobola okuba omusika wa balo, eriyo asooka memale nze naamwiririra.

Ruthi 3:18

Naomi n'okumukoba ati: “Mwana wange, iwe tyama oteegerere, oidha kubona ekinaavaamu. Boazi taidha kuwuumula olwaleero ng'akaali kugondhoola nsonga dhino.”