Ruthi 3:7 - Baibuli Ekibono kya Katonda 2014

⁷ Boazi bwe yamala okulya n'okunhwa yaawulira emiraala n'eisanhu. Kale yaabona agho emungo ya sayiri, yaaja yaalambaala agho. Agho Ruthi yaadhooma mpola, yaaja yaaghembula gha bigere bye, yaalambaala agho.

Ruthi 3:7 ပူးပေါင်းရင်းမြစ်များ

Amainhama 43:34

Yosefu yaabagheereza ebimegero okuva ku mere eyali mu maiso ge. Aye ekimegero kye yagha Benjamini kyasingaku ebya bale abandi obunene emikuzi etaanu. Kale baanhwa era baasagambira ghalala ni Yosefu.

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 21:7

Mukazi we Yezebeli yaamwiramu ati: “Ti niiwe ofuga Isiraeli? Situka olye emere, era omwoyo ka gukwike. Nze ndidha kukugha eisamba ly'emizabbibu erya Nabothi ow'e Yezireeli.”

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Omulangirizi 10:19

Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 8:15

Kale nze mbona ng'omuntu agwaniire okwesanhusanga kuba ku nsi kuzira kirungi kindi okutoolaku okulya, n'okunhwa, n'okwesanhusa. Eryo n'eisanhu omuntu ly'aba nalyo mu kiseera eky'obulamu bwe kyonakyona Katonda ky'amugha ng'ali mu kufaabiikana ku nsi.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

Abalamuzi 16:25

Agho bwe baali nga bali kusagambya, baakoba bati: “Mwete Samusoni aidhe atusanhuseeku!” Kale baamuleeta okuva mu ikomera yaabasanhusa, baamwemereza ghagati gh'empango.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 19:6

Agho baatyama, baalya era baanhwa bombi ghalala. Lata w'omughala yaakoba mukoirume we ati: “Nkweghembye ganha osule, osanhukeku.”

Abalamuzi 19:9

Omusaadha ni mukazi we, n'omugheereza we, bwe baasituka okugolola, lata w'omughala yaakoba ati: “Bona, mpegaano ebiseera biibino bijiire inho. Mbeeghemba musule. Obwire buja kuziba. Mube ghano musanhukeku. Enkyo munaawuuna buwuune, mwagolola eka.”

Ruthi 3:6

Kale Ruthi yaaja ghe bakubira sayiri era yaakola nga inhazaala we bwe yamukoba.

Ruthi 3:8

Agho nga mu bwire ghagati Boazi bweyaira engulu ni yeekyusa, yaamwezinduka. Okuja okubona nga ghaligho omukazi alambaire gha bigere bye.