Ruthi 3:13 - Baibuli Ekibono kya Katonda 2014

¹³ Mperaano sigala ghano obwire bukye, bwe bunaaba bukyeire twidha kumubuuza oba nga anaakulabirira. Bw'anaaba ng'anaakulabirira, kinaaba kikalamu aye bw'anaaba nga taakulabirire, nze ndayira mu liina lya Musengwa Katonda omulamu nti ndidha kukulabiriranga. Aye buti lambaala bukye.”

Ruthi 3:13 ပူးပေါင်းရင်းမြစ်များ

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

2 Ab'e Korintho 1:23

Katonda aidhi ebiri mu mwoyo gwange n'omudhulizi wange, nti olw'obutenda kubataghaania n'ekyandobera okwidha e Korintho.

Abaheburayi 6:16

Abantu bwe baba nga balayira bakozesa eriina ly'oyo abasinga obubbede, era ole olulayira ati ng'olwo ababaire batakana balekera.

Abalamuzi 8:19

Gideoni yaakoba ati: “Abo baali baganda bange, abaana ba maama beene. Ndayira Musengwa Katonda omulamu nti ngoli timwabaita, mwena tinandibaise.”

Ruthi 2:20

Naomi yaakoba ati: “Nsaba Musengwa Katonda aghe Boazi enkabi, kuba olw'okusaasira kwe talekuliire agho balamu oba okwerabira abaafa.” Era yaaja mu maiso yaakoba ati: “Omusaadha oyo waluganda n'ife. Oyo asobola n'okuba omusika wa balo yaatulabirira.”

Ruthi 3:12

Aye ekituufu kiri nti waire nze nsobola okuba omusika wa balo, eriyo asooka memale nze naamwiririra.

Ruthi 4:5

Boazi yaakoba ati: “Otyo, ekyo kirungi! Anti okiidhi nti bw'ogula ekibandha ekyo okuva ku Naomi, oba oli n'okutwaliramu Ruthi namwandu Omumoabu, era nga kisigala mu maina ga mufu.”

Ruthi 4:6

Agho omusaadha n'okukoba ati: “Oba nga ebyo bityo bwe biri, nkulekuliire obukumu bwange bwe ndi nabwo okukigula. Tiidha ku kigula, iwe kigule kuba kiba kitegeeza kudobania busika bwa baana bange.”