Ruthi 3:10 - Baibuli Ekibono kya Katonda 2014

¹⁰ Boazi yaamwiramu ati: “Muna, Musengwa Katonda akughe enkabi, kuba obwesigwa bw'oli kwoleka buti businga obwo bwe wayoleka mu ebyo bye wakolera inhazaala wo. Kuba wandibaire buti ng'oli kwenoonezaayo mulenzi muto, k'abe mukombe oba mwavu, aye ekyo ti ky'okoze.

Ruthi 3:10 ပူးပေါင်းရင်းမြစ်များ

Amainhama 24:31

Labani yaakoba ati: “Idha tuje eka, iwe Musengwa Katonda y'aghaire enkabi. Ku lwaki oyemerera eno ku luya? Nkutegekeire endhu n'ekifo eky'engamiya.”

Ruthi 1:8

Naomi yaakoba banamwandu abo ati: “Mwireyo buli muntu ye maama we. Nsaba Musengwa Katonda abe mulungi ye muli, nga imwe bwe mubaire abalungi eri nze n'eri abo abaafa.

Ruthi 2:11

Boazi yaamwiramu ati: “Nawulira bukalamu byonabyona bye wakolera inhazaala wo kasookanga balo afa. Era naawulira ni bwe wasalagho okuleka lata wo ni inhoko, n'ensi yo, n'oidha okutyama mu bantu be wali toidhiiku naire.

Ruthi 2:20

Naomi yaakoba ati: “Nsaba Musengwa Katonda aghe Boazi enkabi, kuba olw'okusaasira kwe talekuliire agho balamu oba okwerabira abaafa.” Era yaaja mu maiso yaakoba ati: “Omusaadha oyo waluganda n'ife. Oyo asobola n'okuba omusika wa balo yaatulabirira.”

Ruthi 2:4

Bwe ghaabitaghooku entangama, Boazi mwene yaatuuka ng'ava e Bethelehemu. Yaalamusa abakungula ati: “Musengwa Katonda abe n'imwe.” Baamwiramu bati: “Musengwa Katonda akughe enkabi.”

Ruthi 3:9

Yaabuuza ati: “Niiwe ani?” Omukazi yaamwiramu ati: “Isebo, ninze Ruthi. Nga bw'ondiku oluganda nkusaba okundabirira.”

1 Samueli 15:13

Samueli yaaja yatuuka ku Saulo. Saulo yaamulamusa ati: “Musengwa Katonda akughe enkabi. Ntuukiriiza ekiragiro kya Musengwa Katonda.”