Ruthi 3:1 - Baibuli Ekibono kya Katonda 2014

¹ Nga ghabiseeghooku entangama, Naomi yaakoba Ruthi ati: “Mwana wange, nteekwa okukufunira omusaadha ofune amaka agago ku bubwo.

Ruthi 3:1 ပူးပေါင်းရင်းမြစ်များ

Amainhama 40:14

Aye nkweghembye ondidhukiranga nga bikujiiriire bukalamu, wangemerwa ekivunika, wandhogererayo eri kyabazinga, wantoola mu ikomera muno.

Zabbuli 128:2

Oidha kutoolanga eky'okulya mu mirimo gy'okola; oidha kubanga musangaavu, nga buli kintu kikujiira bukalamu.

1 Ab'e Korintho 7:36

Oyo eyamala okwandhula bw'akibona nga tikikola bukalamu omughala ye yamala okwandhula, ng'amairu ali na mangi, era ng'awulira ng'ateekwa okubayiza omughala oyo, akole nga bw'ayenda, amubayize aba takoze kibi.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

Ruthi 1:9

Musengwa Katonda abaghe buli muntu abayire omusaadha owundi era afune amaka ge.” Agho yaabanhwegera ng'abasiibula, aye bombi baatoolera okulira amaziga.

Ruthi 2:23

Kale Ruthi yaajanga, yaalondanga sayiri ghalala n'abakazi abakozi ba Boazi okutuusa bwe baamaliriza okukungula sayiri n'engaano. Ruthi yaasigala ng'aba ghalala n'inhazaala we.

Ruthi 3:2

Oidhukira bukalamu oti omusaadha ono Boazi, mwene bakozi bale abakazi be mwalondanga nabo sayiri, atuliku oluganda. Mperaano ni bona, eigulo lino aidha kuba ghale ghe bakubira sayiri, ng'ali kusensa sayiri.