Ruthi 2:4 - Baibuli Ekibono kya Katonda 2014

⁴ Bwe ghaabitaghooku entangama, Boazi mwene yaatuuka ng'ava e Bethelehemu. Yaalamusa abakungula ati: “Musengwa Katonda abe n'imwe.” Baamwiramu bati: “Musengwa Katonda akughe enkabi.”

Ruthi 2:4 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

1 Ebyomubyanda 2:51

Mutabane we owokubiri Saluma ni lata wa Bethelehemu. Mutabane we owokusatu Harefu ni lata wa Bethigaderi.

Zabbuli 118:26

Katonda aghe enkabi oyo aingira mu liina lya Musengwa Katonda! Tubasabira Katonda abaghe enkabi mwenamwena, nga tuli ghano mu ndhu ya Musengwa Katonda.

Zabbuli 134:3

Musengwa Katonda oyo aba mu Sioni abaghenga enkabi, oyo eyakola eigulu n'ensi.

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Okubala 6:24

“Musengwa Katonda akughenga enkabi era akukuumenga;

Luka 1:28

Malaika yaidha y'ali yaamukoba ati: “Emiraala gibe n'iwe, oli wa nkabi, Musengwa ali n'iwe!”

2 Ab'e Thessalonika 3:16

Musengwa omugabi w'emiraala, mwene abaghenga emiraala buliidho era ni mu buli nsambo. Musengwa abenga n'imwe mwenamwena.

1 Timotheo 6:2

Abairu abo abali ni basengwa baibwe nga Bakuristo, batabeemanhirizanga olw'okuba baganda baibwe. Beeyongerenga bweyongere okubagheereza obukalamu, kuba abo be bagheereza Bakuristo era bagonzi. Ebyo by'obe obeegeresenga era obakubirizenga okukola.

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Abalamuzi 6:12

Agho malaika wa Musengwa Katonda yaamubonekera, yaamukoba ati: “Musengwa Katonda ali n'iwe, iwe omusaadha ow'amaani era omuzira.”

Abalamuzi 6:16

Musengwa Katonda yaamwiramu ati: “Ndidha kuba ghalala n'iwe, era oidha kughangula Abamidia ng'oti n'ali kughangula omuntu omulala ati.”

Ruthi 2:3

Agho Ruthi yaaja mu misiri yaavanga einhuma ew'abakungula ng'alondalonda sayiri eyajanga ng'akunkumuka ku bakungula. Yaja okweyagaana ng'omusiri gwe yajaamu gwali gwa Boazi eyali n'oluganda ku Elimeleki.

Ruthi 2:5

Boazi yaabuuza omukulu w'abakungula ati: “Omughala ole naani?”

Ruthi 4:11

Agho abataka abakulu n'abantu abandi abaali mu kifo eky'olwekobaano, agho munda ng'omaze okubita mu mulyango ogwingira mu kibuga, baakoba bati: “Yii, tuli badhulizi. Musengwa Katonda aghe enkabi mukazi wo oyo, abe ng'oti ni Rakeli ni Leeya, abo bombi abaavaamu ekika eky'Abaisiraeli. Musengwa Katonda akughe obukombe mu kika eky'Abaefuratha era obe mumanhifu inho mu Bethelehemu.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”