Ruthi 2:14 - Baibuli Ekibono kya Katonda 2014

¹⁴ Esaawa ey'okulya bwe yatuuka, Boazi yaayeta Ruthi ati: “Idha olye ku mere. N'eiva liirino koza.” Kale Ruthi yaatyama ghalala n'abakozi, Boazi yaamugha emere ey'empeke enkalange, yaalya yaiguta bukalamu, yaalekerera n'okulekerera.

Ruthi 2:14 ပူးပေါင်းရင်းမြစ်များ

2 Samueli 17:28

baaleeta ebyebwiko, ebbakuli, ebibya n'entamu, engaano, sayiri, obuwunga, emere ey'empeke enkalange, ebidhandhaali, empindi,

Zabbuli 23:5

Ontegekera embaga wantyamya, ng'abazigu bange babona. Wanfuula omugeni ow'ekitiisa ng'onsiiga omuzigo ogw'akawoowo, wampa eby'okunhwa okutuusa ku nkooye.

Isaia 32:8

Aye omuntu omwesigwa alowooza ku kukola bwesigwa, era ebituufu byonka by'agumiraku.

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Matayo 14:20

Boonaboona baalya baiguta. Baasoloza ebitundu ebyafiikagho, ebiibo ikumi na bibiri ebiidhuvu.

Amateeka Agokubiri 11:15

Aidha kubaghanga eisubi ery'ensolo dhaimwe mu byayiro byaimwe. N'imwe beene mwidhanga kufuna emere yoonayoona ye mwetaaga.

Amateeka Agokubiri 8:10

Mwidha kulyanga mwigute, era musiimenga Musengwa Katonda waimwe olw'ensi engimu y'ali kubagha.”

Ruthi 2:13

Ruthi yaamwiramu ati: “Isebo ondholeike ekisa ekinene, bw'oyogeire ninze mu bibono ebindhiziizaamu amaani, waire nga tibalirwa mu bakozi bo abakazi.”

Ruthi 2:15

Bwe yamala yaasituka yairayo okulonda sayiri. Ng'amaze okuja, Boazi yaalagira abakozi be ati: “Mumuleke alonde sayiri waire oyo agwire agho ebinhwa ghe biri, mutamulobera.

Ruthi 2:18

Yaamubbeeda yairayo naye mu kibuga. Bwe yatuuka yaamwoleka inhazaala we era yaamugha n'emere ere yeyalekerera.

1 Samueli 17:17

Lwali lulala Yesse yaakoba mutabane we Daudi ati: “Yangughaku oje ye baganda bo ere mu kifo aghaasimbwa weema, obatwalire kilo dhino eikumi edh'emere eno ey'empeke enkalange n'emigaati gino eikumi.

1 Samueli 25:18

Agho Abigaili yaayangugha, yaatoola emigaati ebikumi bibiri, n'ensawo ibiri edh'amawu edhirimu omwenge ogw'emizabbibu, n'entaama itaanu enfumbire irala, n'ebiibo bitaanu eby'emere ey'empeke enkalange, n'obufaaganda kikumi obw'emizabbibu emikaze, n'ebitole ebikumi bibiri eby'ebibala eby'emiti emitiini ebikaziibwa. Ebyo byonabyona yaabitwika ku ndogoyi.