Ruthi 1:20 - Baibuli Ekibono kya Katonda 2014

²⁰ Aye yaabakoba ati: “Mutandheta Naomi, mundhete Mara ekitegeeza okukaayirira, kuba Katonda oyo Aghanga Ebintu Byonabyona yandeetera obulamu okunkaayira.

Ruthi 1:20 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 43:14

Katonda Aghanga Ebintu Byonabyona abagemerwe ekivunika nga muli mu maiso g'omusaadha oyo, omusaadha oyo asobole okubairiza muganda waimwe owundi, ni Benjamini. Nze oba ndi wa kufiirwa baana bange, ndibafiirwa.”

Yobu 11:7

Osobola okwagaaza ebifa ku Katonda Aghanga Ebintu Byonabyona, waabizuula waabimalayo?

Yobu 19:6

Aye mugwaine mukimanhe muti Katonda n'antuusisaaku ekyo, ng'anzingiza n'olutuula okungemya.”

Yobu 5:17

Bona eno, wa nkabi omuntu Katonda y'agolola okuva mu nsobi. Kale otanhoomanga kukangaivulwa kw'Oyo Aghanga Ebintu Byonabyona.

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Yobu 9:18

Tanganha kugheeraku naire, aye anhongera bwa nnaku.

Zabbuli 73:14

Ndaazibwadaazibwa okugwisa endhuba, naabonerezebwa buli nkyo.

Zabbuli 88:15

Ndaazedaaze okuva mu buto era kata nfe. Onkoze ebitiisa kamaala, gampoire.

Okuvaayo 15:23

Bwe baatuuka e Mara, baayagaana amaadhi ge bataaghanga kunhwa olw'okuba gaali maka eyo n'ensonga eyayetesa ekifo ekyo Mara.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Isaia 38:13

Nasulanga nga nsinda businde obwire okukya, ng'oti n'ole empologoma y'eri kumemena amagumba. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Abaheburayi 12:11

Bwe tuba nga tuli kukangaivulwa, mu kiseera ekyo tuwulira bulumi mu kifo eky'eisanhu. Aye oluvainhuma abeegereseibwa okukangaivulwa okwo, bafuna emiraala n'obutuufu.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 21:22

Mu kibuga ekyo tyabonamu isinzizo, kuba Musengwa Katonda Aghanga Ebintu Byonabyona aghalala n'Entaama Ento, abo nga n'eisinzizo lyakyo.