Ruthi 1:17 - Baibuli Ekibono kya Katonda 2014

¹⁷ Mu kifo mw'olifiira zeena mwe ndifiira, era eyo ye balinziika. Musengwa Katonda ampanga ekibonerezo ekisembayo kuba kibi, bwenganhanga ekintu kyonakyona ni kintoola ku iwe, ni bwe kuliba okufa.”

Ruthi 1:17 ပူးပေါင်းရင်းမြစ်များ

2 Samueli 15:21

Aye Ittai yairamu kyabazinga Daudi ati: “Ndayira mu Musengwa Katonda omulamu, era naakulayirira Isebantu kyabazinga, nti buli y'onaajanga zeena yeenaajanga, ni bwe kinaabanga nga kyetaagisa kufa.”

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 3:35

Agho abantu boonaboona baajanga beegayirira Daudi alye ku mmere omusana ogwo. Aye Daudi yeefuugha ng'akoba ati: “Katonda agwananga yambonereza inho, bwe nkombanga ku mmere oba ekintu ekindi kyonakyona ng'endhuba ekaali kugwa.”

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

1 Bakyabazinga 13:31

Bwe yamala okumuziika, yaakoba batabane be ati: “Bwe nfanga, munziikanga mu magombe mwe tuziise omulanzi oyo. Amagumba gange mugatanga kumpi n'agage.

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 2:23

Agho kyabazinga Solomoni yaalayira mu Musengwa Katonda ati: “Adoniya bw'ataitibwe olw'ekyo ky'asabye, Katonda agwananga yambonereza inho.

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Zabbuli 45:10

Iwe inhebantu, tega amatu owulire, weerabire abantu bo n'ab'endhu ya lata wo,

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ruthi 1:16

Aye Ruthi yaamwiramu ati: “Lekera agho okunkoba oti nkuleke, oba oti ndekere okuja n'iwe. Gh'onaaja woonawoona zeena ghe nnaaja. Amaka g'onabangamu zeena ge nnaabangamu. Abantu bo n'abanaabanga abantu bange, era Katonda wo n'anaabanga Katonda wange.

Ruthi 4:15

Mughala wo oyo akugonza inho, akukoleire ebintu kamaala okusinga n'abaana abalenzi omusanvu. Era mpegaano akuzaaliire omwidhukulu, oyo aidha okukwiza obuto, era akulabirire mu myaka gyo egy'obukaire.”

1 Samueli 14:44

Saulo yaamukoba ati: “Katonda agwananga yambonereza n'obukambwe, bw'otaitibwe iwe Yonathani.”

1 Samueli 20:13

Aye lata wange bw'anaaba ng'ali kwenda kukukola kabi, memale ni ntakumanhisaaku era ni ntakuyamba kulumuka kwewonia, Musengwa Katonda agwananga yandhita. Nsaba Musengwa Katonda oyo abenga n'iwe, nga bw'abairenga aba ni lata wange!

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”

1 Samueli 3:17

Eli yaamubuuza ati: “Kiki Musengwa Katonda kye yakukobye? Otakingisa. Katonda k'akubonereze inho, bw'ongisa ekintu kyonakyona ku ebyo bye yakukobye.”