Ruthi 1:15 - Baibuli Ekibono kya Katonda 2014

¹⁵ Naomi yaakoba Ruthi ati: “Oli kubona mughalikwa wo aizeeyo mu bantu be, ni ye bakatonda be, weena irayo.”

Ruthi 1:15 ပူးပေါင်းရင်းမြစ်များ

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Okubala 10:30

Aye Hobabu yaamwiramu ati: “Nze tiidha kuja. Ndidha kwirayo mu nsi ey'ewaife eri aboluganda lwange.”

Luka 24:28

Bwe baatuuka okumpi n'ekyalo mwe baali baja yaaboneka oti yeeyongerayo

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Yoshua 24:19

Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.

Ruthi 1:14

Agho kabiri baayongera okulira amaziga. Orupa yaanhwegera inhazaala we, yaamusiibula, aye Ruthi yaasigala ng'akeegemye ku inhazaala we.

Ruthi 1:16

Aye Ruthi yaamwiramu ati: “Lekera agho okunkoba oti nkuleke, oba oti ndekere okuja n'iwe. Gh'onaaja woonawoona zeena ghe nnaaja. Amaka g'onabangamu zeena ge nnaabangamu. Abantu bo n'abanaabanga abantu bange, era Katonda wo n'anaabanga Katonda wange.