Ruthi 1:1 - Baibuli Ekibono kya Katonda 2014

¹ Eira einho, ensi Isiraeli ng'efugibwa balamuzi, endhala yagwa mu nsi eyo Isiraeli. Ghaabaagho omusaadha ow'e Bethelehemu eky'omu Buyudaaya, yaalumuka mu nsi eyo Isiraeli yaaja yaasenga mu nsi Moabu. Yaja ni mukazi we ni batabane baibwe babiri.

Ruthi 1:1 ပူးပေါင်းရင်းမြစ်များ

Amainhama 12:10

Agho endhala yaagwa mu Kanaani, Aburamu yaaja mu Misiri yaasenga eyo okumala entangama, kuba endhala yali egwire ya maani.

Amainhama 26:1

Agho endhala eyindi yaagwa mu nsi, okuleka ere eyagwa mu biseera bya Aburahamu. Isaaka yaaja eri Abimeleki, kyabazinga w'Abafilisiti mu Gerari.

Amainhama 43:1

Endhala yeeyongera inho okuluma abantu mu nsi ey'e Kanaani.

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

1 Ebyomubyanda 2:51

Mutabane we owokubiri Saluma ni lata wa Bethelehemu. Mutabane we owokusatu Harefu ni lata wa Bethigaderi.

1 Ebyomubyanda 2:54

Saluma n'eyali lata wa Bethelehemu, era eyasimukamu Abanetofathi, Abatirothi Bethi Yoabu, era n'Abazori abaali ekitundu ekirala ku bitundu ebibiri eby'Abamanahathi.

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Yeremia 14:1

Bino Musengwa Katonda bye yakobera Yeremia nga bigema ku ndoboozi, ati:

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Abalevi 26:19

Ndidha kutoolangagho obuyinza bwaimwe obubaleetera okwekuluntaza. Tighaabenga maadhi gagwa, olwo ensi yaimwe yaakala, yaabbalanguka ng'oti kyuma kya kikomo.

Amosi 4:6

“Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.

Abalamuzi 12:8

Yefutha bwe yavaagho, Ibuzani ow'e Bethelehemu yaakulembera Isiraeli.

Abalamuzi 17:7

Ghaaligho omwisuka Omulevi, eyali nga yasenga e Bethelehemu mu Buyudaaya.

Abalamuzi 17:8

Yaamala yaavaayo ng'ali kwagala aghandi gh'anaaba. Bwe yali ng'ali kutambula, yaatuuka ku ndhu ya Mika mu kiketezo eky'e Efuraimu eky'oku nsozi.