Omulangirizi 9:8 - Baibuli Ekibono kya Katonda 2014

⁸ Kuumanga ebivaalo byo nga biyondho, era otalobanga kwesiiga bizigo mu maiso n'onhirira.

Omulangirizi 9:8 ပူးပေါင်းရင်းမြစ်များ

2 Samueli 14:2

Kale Yoabu yaayetesa omukazi omugezigezi, baamuleeta okuva e Tekoa. Yaamukoba ati: “Weekoze obe ng'oti n'omuntu afiiriirwa, weesibe ekikaakaati, era olobe kwesiigaku kazigo naire obeere irala ng'omuntu amaze entangama ng'alira omufu.

2 Samueli 19:24

Agho Mefiboshethi mwidhukulu wa Saulo yaidha okusangaaza kyabazinga. Mefiboshethi oyo yaloba okunaaba ebigere, waire okumwa ebirevu, oba okwoza engoye dhe, okuva ku lunaku kyabazinga lwe yava mu Yerusalemu okutuusa lwe yaira nga ghaligho emiraala.

Zabbuli 23:5

Ontegekera embaga wantyamya, ng'abazigu bange babona. Wanfuula omugeni ow'ekitiisa ng'onsiiga omuzigo ogw'akawoowo, wampa eby'okunhwa okutuusa ku nkooye.

Danieli 10:3

Nga tirya mere nungi, oba okulya emamba, oba okunhwa omwenge ogw'emizabbibu, waire okwesiiga ebizigo, okumala wiiki edho eisatu enamba.

Amosi 6:6

Munhwa amabuga amalamba ag'omwenge ogw'emizabbibu, era mwesiiga ebizigo ebisinga kuba birungi, aye mwaloba kulumirwa nsi Isiraeli ezikiriire.

Matayo 6:17

Iwe bw'osiibanga, osiiganga omutwe gwo omuzigo, era amaiso go oganaabanga,

Luka 7:46

Tonsiize muzigo ku mutwe, aye ono ebigere byange abisiize obuwoowo.

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.

Ruthi 3:3

Kale naabaku, weesiige akawoowo era ovaale ebivaalo byo ebisinga bukalamu. Bw'omala, oje agho ghe bakubira sayiri, aye bw'otuuka agho bona gh'oba era tiweyolekera Boazi, okutuusa ng'amaze okulya n'okunhwa.