Omulangirizi 9:15 - Baibuli Ekibono kya Katonda 2014

¹⁵ Mu kibuga omwo mwabaamu omuntu omugezi aye nga mwavu. Omuntu oyo yaakozesa amagezi ge, yaawonia ekibuga ekyo, aye ghaaloba kubaagho yaidhukira muntu oyo omwavu.

Omulangirizi 9:15 ပူးပေါင်းရင်းမြစ်များ

Amainhama 40:23

Aye omusenero omukulu yaaloba kwogererayo Yosefu eri kyabazinga, yaamwerabirira irala.

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

Ensambo 21:22

Omuduumizi ow'amagezi aghangula ekibuga eky'ab'amaani, era yaamenhagho ebifo byaibwe eby'okwewogomamu bye beesiga.

Omulangirizi 2:16

kuba omugezi tibamwidhukira, ng'oti n'omusiru yeena bwe batamwidhukira. Mu biseera ebiidha, boonaboona baliba beerabirwa ira. Ng'omugezi bw'afa, n'omusiru yeena bw'afa.

Omulangirizi 4:13

Omala gaba muto ng'olimu amagezi waire ng'oli mwavu, aye otabaire kyabazinga mukaire omusiru era atawulirisa magezi ge bamugha.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Omulangirizi 8:10

Era naabona ababi nga baziikibwa mu kitiibwa. Abantu abo baajanga mu kifo ekitukuvu emikuzi mingi era abantu baabasaakanga mu kibuga mwene mwe baakoleranga ebibi. Ekyo kyona kiziramu muganhulo.