Omulangirizi 9:13 - Baibuli Ekibono kya Katonda 2014

¹³ Ghaligho eky'okuboneraku ekindi ku nsi ekigema ku magezi, ekyambonekera nga kikulu:

Omulangirizi 9:13 ပူးပေါင်းရင်းမြစ်များ

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

Omulangirizi 6:1

Ghaligho ekintu ekibi einho kye nabona ku nsi, ekinhiga abantu:

Omulangirizi 7:15

Mu bulamu bwange buno obuziramu muganhulo, mboine ebintu kamaala: Mbona abantu abakola ebituufu nga bafa mangu, waire nga bantu balungi ate naabona abakozi b'ebibi nga baaghangaala, waire nga boonooni.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Omulangirizi 8:16

Bwe nafuba einho okufuna amagezi, n'okumanha emirimo egikolebwa ku nsi, ni mbona n'engeri abantu ye batatenduka ku ndoolo omusana n'obwire,

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Omulangirizi 9:14

Ghaaligho ekibuga ekitono nga kirimu n'abantu batono. Yaavaayo kyabazinga ow'amaani yaalumba ekibuga ekyo, yaakizingiza era yaakibungaku emungo y'eitaka okukyezunguluza, asobole okuniiniraku okukirwanisa.

Danieli 2:14

Agho Danieli yaaja ye Arioki omukulu w'abaisirukale abaakuumanga kyabazinga, eyali aidhie okwita abagezigezi ab'omu Babilonia. Yaakozesa amagezi n'obwegendereza,