Omulangirizi 9:12 - Baibuli Ekibono kya Katonda 2014

¹² kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Omulangirizi 9:12 ပူးပေါင်းရင်းမြစ်များ

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Ensambo 24:22

Akabi Musengwa Katonda ni kyabazinga ke balisindika, kaja kukugwaku bugwe. Era ghazira aidhi kuzikirira okuliva mu kabi ako ghe kulyaga.

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Ensambo 6:15

Kyova aligwa ku buzibu obutaloodheka nga tabwetegekeire, era mu kaseera buseera balimutentena nga takairayo kuwona.

Omulangirizi 3:19

kuba ekija okutuuka ku beene, n'ekija okutuuka ni ku nsolo. Beene baja kufa, n'ensolo dhoona dhife, empewo ye bagheera dhoona ye dhigheera. Abantu bazira kye basinga nsolo, kuba obulamu bw'omuntu n'obw'ensolo buziramu muganhulo.

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Omulangirizi 8:8

Ghazira muntu ali na buyinza bwa kulobera ku bulamu bwe, oba okusalagho olunaku lw'alifiiraku. Ng'olutalo bwe lutaganha ole alulimu okuluvaamu, n'ekibi kityo bwe kitalekula ole akikoze.

Omulangirizi 9:13

Ghaligho eky'okuboneraku ekindi ku nsi ekigema ku magezi, ekyambonekera nga kikulu:

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Ezekieli 32:3

Nze Musengwa Katonda kyenva nkoba nti ndikusuulaku olutuula lwange ng'amaghanga kamaala galigho, naakwinhulula mu maadhi n'olutuula lwange olwo.

Hosea 7:12

Aye buli ye balija ndibasuulaku olutuula lwange, naabaghanulayo ghaigulu ng'oti nhonhi edhiguluka, naabasuula ghansi. Ndibabonereza olw'ebibi bye bakola.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 12:39

Mukiidhi bukalamu muti nguli mwenemu amanhanga esaawa omwibi y'anaidhiraku, yandimwagainenga nga yeetegeike, era tiyandiganhie mwibi kusima kituli mu ndhu ye.

2 Ab'e Korintho 6:2

Katonda akoba ati: “Nakuwulira mu kiseera kyange eky'okukugemerwa ekisa, era naakubeera ku lunaku lwange olw'okukulokola.” Bona eno! Kino n'ekiseera eky'okugemerwaku ekisa, olwaleero n'olunaku olw'okulokolebwa.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

2 Timotheo 2:26

Agho baasobola okuwunuka omutego gwa Sitaani ogwabagemya n'abakoza by'ayenda.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

2 Petero 2:12

Aye abantu bano bali ng'oti nsolo busolo edhizira magezi, edhijiira obw'oku butonde edhizaalibwa nga dha kuyiigibwa na kwitibwa. Kiisi kye bataidhi bakivumagana. Boona balizikirizibwa ng'ensolo edh'omu nsiko.