Omulangirizi 9:11 - Baibuli Ekibono kya Katonda 2014

¹¹ Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Omulangirizi 9:11 ပူးပေါင်းရင်းမြစ်များ

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 76:5

Abalwani baibwe abaziramu ntete baabasuuza byonabyona bye baali nabyo. Era buti bali mu ndoolo dhire dheene edh'okufa. Amaani gaibwe n'obumanhi bwaibwe mu by'okulwana entalo tibyabagasa.

Ensambo 1:5

Omugezi bw'adhiwulira yeeyongera okwega era omutegeevu yaafuna okulambibwa.

Omulangirizi 2:12

Kale naira ku kulowooza ku magezi n'eiralu n'obusiru, kuba kyabazinga azira kiyaaka ky'asobola kukola ole ye yasikira ky'ataamala ira kukola.

Omulangirizi 3:14

Katonda oyo buli ky'akola kibaagho byanda na byanda, ghazira kisoboka kwongerwaku waire okutoolebwaku. Yakola atyo, abantu bamutyenga.

Omulangirizi 3:17

Naakoba mule nti: “Katonda aja kusalira abatuufu n'ababi omusango, kuba buli kintu na buli kikolwa yakiteeragho ekiseera kyakyo.”

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 7:13

Lowooza ku ebyo Katonda bye yakola. Naani asobola okugodolola ekyo Katonda kye yagodagoda?

Omulangirizi 9:2

kuba enkomerero y'abantu boonaboona eri ndala, ka babe abatuufu oba ababi, abalungi oba aboonooni, abalongoofu oba abatali balongoofu, abaghaayo emisengo oba abataghaayo misengo. Omuntu omulungi n'ole atali mulungi, bombi bafaanana. N'omuntu alayira n'ole atalayira, boona bafaanana.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Yeremia 46:6

Ni bale abasinga kuziinhuuka mbiro tibasobola kulumukagho; abalwani ab'amaani abo tibasobola okwewonia. Ere ku luuyi olw'omukono omugooda olw'e buvandhuba, okumpi n'omwiga Eufurate, bagangaliime baagwa.

Yeremia 48:14

Imwe ab'e Moabu, lwaki mweyeta ab'amaani era ni mweyeta abalwani abaziramu ntete?

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Amateeka Agokubiri 8:17

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

1 Samueli 17:50

Kale Daudi yaaghangula Omufilisiti ng'akozesa nsuumulo na ibaale. Yaakuba Omufilisiti oyo yaamwita nga takozeisa mpiima naire.

1 Samueli 6:9

Agho mugiringirire: Bw'enaasimbira e Bethi Shemeshi mu nsi yaayo, kiidha kumanhika nga Katonda w'Abaisiraeli n'atukoze akabi akanene katyo. Aye bwe kitaba kityo, olwo twidha kumanha tuti ebibonerezo ebyatutuukaku, byatugwaku bugwe.”