Omulangirizi 9:10 - Baibuli Ekibono kya Katonda 2014

¹⁰ Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Omulangirizi 9:10 ပူးပေါင်းရင်းမြစ်များ

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

Nehemia 2:12

Agho naasituka obwire, naaja n'abasaadha batonotono, aye nga ghazira muntu yeenayeena ye nkobeireku ekindi ku mwoyo, Katonda kye yankoba okukolera Yerusalemu. Tyali na nsolo yindi yoonayoona okutoolaku eyo ye nali ntyaimeku, nga ndi kuvuga.

Nehemia 4:2

Yaayogera ng'ali ghalala ni baine, n'eigye lya Samaria, yaakoba ati: “Katyo bano Abayudaaya abadoofu bali kugezaaku kukola ki? Basuubira okwizaagho ebintu nga bwe byali? Obwo basuubira kughaayo misengo? Obwo omulimo Banaagumala mu lunaku lulala? Obwo banaaghanga okutoola amabaale agaayonoonebwa omuliro mu mmungo edh'ebikaba, bairamu okugazimbisa?”

Nehemia 4:6

Kale tweyongera okuzimba ekimante, twaja nga tukiyunga ghalala kyonakyona okwezungulula, twakituusa ghagati mu kuja ghaigulu kuba abantu baali n'omwoyo ogwenda okukola.

Yobu 10:21

nga nkaali kuja mu nsi eyo ey'ekinsense n'enzikiiza etiisa einho, ye ntaja kuva naire;

Yobu 10:22

ensi egemye enzikiiza bedimudimu, eidhwire okutabukatabuka, era obutangaavu ye buli ng'oti nzikiiza.”

Yobu 21:13

Bafuna ebirungi mu bulamu, era baafiira mu miraala.

Zabbuli 6:5

kuba mu bafu ghazira akwidhukira era mu bali e magombe ghazira akusaaka.

Ensambo 3:28

Otakobanga muntu kwira lwaidho, ng'ate ky'ayenda oli nakyo agho.

Omulangirizi 11:3

Ebire bwe biidhula amaadhi, bigafuka gaagwa ku nsi; n'omuti ghe gugwire, ghe gusigala gheene agho, ka ghabe ku luuyi olw'omukono omusaadha oba ku lw'omugooda, olw'e buvandhuba.

Omulangirizi 11:6

Osiganga ensigo dho ku nkyo era n'eigulo otyo aghazira kwisa mukono, kuba toidhiiku dhinaakula bukalamu; ka dhibe dh'osize ku nkyo oba dh'osize eigulo oba dhoonadhoona.

Isaia 38:10

“Nali nkoba nti nja kufiira mu maani ghagati, nje bansibire e magombe nga nkaali kumalayo myaka gya bulamu bwange.

Yeremia 29:13

Muliinoonia nze ghe ndi mwambona, kuba muliinoonia n'omwoyo gwaimwe gwonagwona.

Okubala 13:30

Agho Kalebu yaasirisa abantu, agho mu maiso ga Musa, yaakoba ati: “Mukole tusitukiremu tuje tutwale ensi eyo. Kuba tusobolera irala bukalamu okugighangula.”

Matayo 20:7

Baamukoba bati: “Kuba ghazira atughaire kya kumukolera.” Yaabakoba ati: “Mwena muje mu isamba ery'emizabbibu.”

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 5:4

Kuba ghaalingagho ebiseera malaika mwe yaikiranga mu kidiba n'ataabuula amaadhi, era nga kiisi asooka okwika mu maadhi nga gamaze okutaabuuka, awona kiisi bulwaire bwonabwona bw'aba ng'alwaire.]

Yoanne 9:4

Tuteekwa okukola eby'oyo eyantuma nga bukaali musana, kuba obwire buli kwidha nga ghazira aghanga kukola.

Ab'e Roma 12:11

Mufubenga okukola era mutabanga bagayaavu. Mugheerezenga Musengwa n'omwoyo omumalirivu.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

1 Ab'e Korintho 16:10

Timotheo nga aidhie, mumusangaaze bukalamu, kuba yeena akolera Musengwa ng'oti ninze.

1 Ab'e Korintho 9:24

Bwenebwene mukiidhi ng'ababa mu ntaka edh'okulumuka baba kamaala, aye aghangula ekirabo aba mulala. Kale mulumuke mu nsambo ebasobozesa okughangula ekirabo.

1 Ab'e Korintho 9:26

Nze kyenva numuka butereevu ku kagugha, tiri ng'oti n'omukubi w'ebifunsi akuba eibanga.

Ab'Efeso 5:16

Buli kaseera ke muli nako mukakozese bukalamu, kuba enaku dhino mbi.

Ab'e Kolosai 3:23

Kiisi kye mukola mukikole n'omwoyo gwaimwe gwonagwona ng'abakolera Musengwa, ti ng'abakolera abantu,

1 Samueli 10:7

Obumanhiso obwo bwe bunaakutuukaku, iwe kola bukole kyonakyona ky'osobola okukola, kuba Musengwa Katonda ali ghalala n'iwe.