Omulangirizi 8:16 - Baibuli Ekibono kya Katonda 2014

¹⁶ Bwe nafuba einho okufuna amagezi, n'okumanha emirimo egikolebwa ku nsi, ni mbona n'engeri abantu ye batatenduka ku ndoolo omusana n'obwire,

Omulangirizi 8:16 ပူးပေါင်းရင်းမြစ်များ

Amainhama 31:40

Kale omusana gwampwerangaku, ate obwire empewo yanfuuwanga, era endoolo dhambulanga mu maiso.

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Omulangirizi 1:13

Neeghaayo n'amagezi gange, naanoonereza era naayagaaza byonabyona ebikolebwa ku nsi. Naabona ng'ebyo byonabyona, n'omulimo omukalangufu ogutasanhusa naire, Katonda gwe yagha abaana ab'abantu okwetawulamu.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 1:17

Neeghaayo inho nsobole okumanha okwawulagho amagezi n'eiralu, n'obusiru. Aye naabona nga kyona kiri ng'oti kubinga mpewo kugigema.

Omulangirizi 2:23

Ekiseera eky'obulamu bwe akimala mu bulumi na kweraliikirira, n'obwire yaaloba kutenduka, kuwuumuza ku birowoozo. Ekyo kyona muzira muganhulo.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Omulangirizi 5:12

Omuntu akola n'emikono gye atenduka endoolo dhaamuwoomera, ni bw'aba nga taliire n'aiguta, aye omukombe tatenduka olw'okweraliikirira ebintu by'ali nabyo.

Omulangirizi 7:25

Agho neemalira ku kunoonereza, nsobole okufuna n'okumanha amagezi, era ntegeere ebintu byonabyona nga bwe biri. Olwo mmanhe ng'omuntu okuba omubi kiba kya busiru, era ng'obusiru buli ng'oti iralu lyene.

Omulangirizi 8:7

Omuntu tamanha kija kubaagho, era ghazira asobola kumukobera bwe kija kuba.

Omulangirizi 8:9

Ebyo byonabyona nabyetegereza bwe nalowooza einho ku ebyo abantu bye bakola ku nsi, naabona ng'abantu abandi bwe bafugisa banaibwe obukambwe, aye ate boonaboona ni balumizibwa abafuzi beene n'abo be bafuga.