Omulangirizi 8:15 - Baibuli Ekibono kya Katonda 2014

¹⁵ Kale nze mbona ng'omuntu agwaniire okwesanhusanga kuba ku nsi kuzira kirungi kindi okutoolaku okulya, n'okunhwa, n'okwesanhusa. Eryo n'eisanhu omuntu ly'aba nalyo mu kiseera eky'obulamu bwe kyonakyona Katonda ky'amugha ng'ali mu kufaabiikana ku nsi.

Omulangirizi 8:15 ပူးပေါင်းရင်းမြစ်များ

Zabbuli 42:8

Omusana Musengwa Katonda andholeka nga bw'angonza obutalekera, obwire nze naamwembera olwembo nga mmusaba oyo Katonda ampa obulamu.

Omulangirizi 2:1

Naakoba mule nti: “Kale ni ka ngezeeku ebinhumo, neesanhuse.” Aye naabona nga kyona kiziramu muganhulo.

Omulangirizi 2:10

Buli kintu amaiso gange kye geegombanga, nga nkifuna. Na buli ekisanhusa kyonakyona omwoyo gwange kye gwayendanga, nga nkyetuusaaku. Kale naasanhukanga olw'ebyo byonabyona bye nakolanga, era eyo yaaba nga n'empeera ye nafunanga mu ebyo byonabyona bye nakolanga.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 2:3

Naanoonereza inho n'amagezi, naalowooza ku ky'okwesanhusa nga nhwa omwenge gw'emizabbibu, mbe ng'omusiru bw'akola. Nga nkoba nti oba katyo, ekyo abantu kye bagwaine okukola ku nsi mu nnaku entono edho, dhe bamala ku nsi nga balamu.

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 5:18

Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.