Omulangirizi 7:9 - Baibuli Ekibono kya Katonda 2014

⁹ Otayanguyirizanga kusungughala, kuba mu mwoyo ogw'omusiru mwidhula busungu bwereere.

Omulangirizi 7:9 ပူးပေါင်းရင်းမြစ်များ

Amainhama 4:8

Kaini yaakoba muganda we Abeli ati: “Tuje tubbaalebbaaleku.” Era bwebaali nga bali eyo, Kaini yeefuulira muganda we yaamwita.

2 Samueli 13:22

Abusalomu yaakyagha Amunoni olw'okukaka Tamari mwanhina, era nga tayogera kintu ni Amunoni oyo, ka kibe ekirungi oba ekibi.

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

2 Samueli 13:32

Aye Yonadabu mutabane wa Shimea, nga Shimea oyo yali muganda wa Daudi, yaakoba ati: “Isebantu kyabazinga, otadhuuba oti baise abaisuka batabane bo boonaboona. Amunoni yenka n'afiire, kuba Abusalomu abairenga ng'aboneka okuba omumalirivu okumwita, kasookanga Amunoni oyo akaka Tamari mwanhina.

2 Samueli 19:43

Abaisiraeli bairamu bati: “Ife tuli n'obukumu bwa mikuzi kikumi ku bwakyabazinga, okusinga imwe bwe muli nabwo. Era ni Daudi oyo waife inho okusinga bw'ali owaimwe. Kale lwaki mutunhoomerera? Ti niife abaasooka okuleeta ekidhuubo eky'okwiza kyabazinga waife?” Aye ab'omu kika kya Yuda bye baayogera byaba bikambwe okusinga eby'Abaisiraeli.

Ensambo 14:17

Omuntu asungughala amangu akola eby'ekisiru, aye omwegendereza aba muguminkiriza.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 25:8

Oteeyunirizanga kuseegha muntu mu mbuga olw'ekyo ky'oboine, kuba omuntu owundi asobola okuleeta obudhulizi obukontana n'obubwo yaakuswaza.

Omulangirizi 7:10

Otabuuzanga oti: “Lwaki ebiseera eby'eira byalinga birungi okusinga ebirigho buti?” Ekibuuzo ekyo ti kya magezi.

Yona 4:3

Wo Musengwa Katonda, nkusaba otwale obulamu bwange, kuba mboine ng'okufa kusinga okuba omulamu.”

Yona 4:8

Endhuba bwe yavaayo akasana kaidha, Katonda yaatuma empewo ensu ng'eva ku luuyi olw'e buvandhuba, akasana kaayokya Yona mu mutwe kata azirike yeegomba okufa. Yaakoba ati: “Okufa kusinga okuba omulamu!”

Yona 4:9

Aye Katonda yaamubuuza ati: “Bwenebwene oli mutuufu okusungughala olw'ekimera ekifiire?” Yona yairamu ati: “Ndi mutuufu, era nsungughaire ekiimala, nhenda kufa.”

Mariko 6:19

Olw'ekyo Herodia yeegemerera Yoanne nga yeeguguna na kumwita, aye yaaloba kusobola.

Mariko 6:24

Omughala yaafuluma yaakoba inhina ati: “Nsabe ki?” Mukaire we yaakoba ati: “Omutwe gwa Yoanne Omubatiza.”

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,