Omulangirizi 7:26 - Baibuli Ekibono kya Katonda 2014

²⁶ Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Omulangirizi 7:26 ပူးပေါင်းရင်းမြစ်များ

Amainhama 19:35

Kale obwire obwo baatamiiza iseibwe, era omughala omuto yaaba naye. Era ni ku mukuzi guno Loti yaaloba kukimanha, kuba yali ng'atamiire inho.

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Okuvaayo 10:7

Abakungu baakoba kyabazinga bati: “Ono omusaadha aja kulekera li okutweraliikiriza? Leka abasaadha Abaisiraeli baje, basinze Musengwa Katonda waibwe. Tobona nga Misiri eri kufafaagana?”

Ensambo 2:16

Amagezi gaidha kukuwonianga omukazi omwenzi, akusendasenda ng'akozesa olulimi olw'okwewooya.

Ensambo 22:14

Olulimi olw'okwewooya omukazi omwenzi lw'akozesa, luli ng'oti lwina luleeyiriri, omuntu Musengwa Katonda y'asungughalira, n'alugwamu.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Ensambo 6:24

Bikuwonia omukazi omukozi ow'ebibi, muka beene oyo, akusendasenda ng'akozesa olulimi olw'okwewooya.

Ensambo 9:18

Aye abo b'ayeta tibaidhi ng'abantu abaja mu ndhu y'omukazi oyo bafiirayo, era ng'abageni be bali ghansi ere yeene mu magombe.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 7:27

Bona eno, Omulangirizi akoba ati ekyo nakizuula mpola nga nja bwe neekalirisa ekintu kirala kirala, nga nhenda okumanha ebintu nga bwe biri.