Omulangirizi 7:25 - Baibuli Ekibono kya Katonda 2014

²⁵ Agho neemalira ku kunoonereza, nsobole okufuna n'okumanha amagezi, era ntegeere ebintu byonabyona nga bwe biri. Olwo mmanhe ng'omuntu okuba omubi kiba kya busiru, era ng'obusiru buli ng'oti iralu lyene.

Omulangirizi 7:25 ပူးပေါင်းရင်းမြစ်များ

Amainhama 34:7

Batabane ba Yakobo baira nga bava mu kyayiro. Bwe baakiwulira baanakughala era baasungughala inho, kuba Shekemu kye yali akoze eky'okukaka mughala wa Yakobo, nga kya muzizo mu Baisiraeli.

2 Samueli 13:12

Tamari yaamwiramu ati: “Busa mwanhinaze, otankaka, kuba ekintu ng'oti n'ekyo tikikolebwa mu Isiraeli. Otakola kintu ekyo kya budankaanu.

Ensambo 17:12

Omuntu amala gaagaanana na nsolo nkambwe enhagiibwaku abaana baayo, atayagaanaine na musiru ng'ali kukola obusiru bwe.

Ensambo 26:11

Omusiru airamu okukola eby'ekisiru omukuzi ogundi, aba ng'oti n'embwa emala n'erya by'eseseime.

Omulangirizi 10:13

Omusiru bw'atoolera okwogera, by'akoba biba bya kisiru, era ku nkomerero biba bya kiralu kyene.

Omulangirizi 2:12

Kale naira ku kulowooza ku magezi n'eiralu n'obusiru, kuba kyabazinga azira kiyaaka ky'asobola kukola ole ye yasikira ky'ataamala ira kukola.

Omulangirizi 2:15

Olwo naakoba mule nti: “Ekituuka ku musiru n'ekija okutuuka ni ku nze, kale nabeerera ki omugezi einho ntyo?” Kyenava ni nkoba mule nti ekyo kyona muzira muganhulo,

Omulangirizi 2:20

Kale naatuuka okweidhusa n'okuwaamu eisuubi mu mirimo gyange gye nakola ku nsi nga nfaabiikana,

Omulangirizi 7:27

Bona eno, Omulangirizi akoba ati ekyo nakizuula mpola nga nja bwe neekalirisa ekintu kirala kirala, nga nhenda okumanha ebintu nga bwe biri.

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’