Omulangirizi 7:17 - Baibuli Ekibono kya Katonda 2014

¹⁷ Aye era otabitirizanga kuba mwonooni, waire okuba omusiru. Oidha kufa ng'entuuko dho dhikaali.

Omulangirizi 7:17 ပူးပေါင်းရင်းမြစ်များ

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

Yobu 22:16

Baafa ng'ekiseera kyaibwe eky'okufa kikaali, baayeyebwagho ng'oti n'ekizimbe bwekyeyebwagho amaadhi ag'omwidhuzo.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Ensambo 10:27

Okutya Musengwa Katonda kuleetera omuntu okughangaala, aye emyaka egy'ababi gisalibwaku.

Ezekieli 16:20

“Era waatoola batabane bo ni baghala bo be wanzaalira, waabaghaayo ye biri ng'emisengo egyokebwa. Olowooza oti ekya iwe obutaba mwesigwa ye ndi kyali kitono,

Ezekieli 8:17

Musengwa Katonda era yambuuza ati: “Iwe omuntu, oboine ebyo? Abantu b'omu Buyudaaya bakibona nga kintu kitono inho okukola ebyenhinhalwa ebyo bye bakola ghano. Bongera okwo n'okwidhuza ensi eno ebikolwa eby'obukambwe, era bansoononkereza nhongere okubasungughalira. Kale bona nga bwe bandhooga mu nsambo esingayo kuba ya bunhoomi.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

Ebikolwa by'Abatume 16:28

Aye Paulo yaayasiikana ati: “Oteita! Twenatwena tuligho!”

Ebikolwa by'Abatume 5:10

Mangu ago yaagwa aghali Petero yaafa. Abaisuka bwe baidha baayagaana nga mufu, baamutwala baamuziika okuliiraana n'iba.

Ebikolwa by'Abatume 5:5

Anania olwawulira ebibono ebyo, yaagwa yaafa. Boonaboona abaakiwulira baatya inho.

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

1 Samueli 25:38

Bwe ghaabitagho enaku ng'oti ikumi, Musengwa Katonda yaakuba Nabali, yaafa.