Omulangirizi 7:16 - Baibuli Ekibono kya Katonda 2014

¹⁶ Kale ni otabitirizanga kuba mutuufu, oba kuba mugezi. Oidha kweita mwene.

Omulangirizi 7:16 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Yobu 11:12

Tikiribaagho bantu basiru kutegeera, ng'oti bwekitalibaagho endogoyi edh'omu nsiko okuzaala endogoyi enfuge.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Ensambo 23:4

Oteekanulanga olw'okwenda okufuna obukombe, banga mugezi ng'obalirira obulamu bwo.

Ensambo 25:16

Bw'oyagaananga omudheenene gw'endhuki olyangaku ogukumala obumale, tomanha bwegubitirira ni gukwesuukuula ku mwoyo n'ogusesema.

Omulangirizi 12:12

Mwana wange, ghaligho ekintu ekindi ky'ogwaine okumanha: okughandiika ebitabo tikukoma, n'okusoma einho kukooya omubiri.

Matayo 23:29

“Mukagwireku Abanamateeka n'Abafarisaayo abakuusa imwe, kuba muzimba amagombe g'abalanzi, mwatimba ebiidhukizo eby'abatuukirivu,

Matayo 23:38

Kale ni endhu yaimwe yaakulekebwa agho ebe kifulukwa,

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Matayo 9:14

Agho abeegeresebwa ba Yoanne baidha ye Yesu nga bakoba bati: “Lwaki ife n'Abafarisaayo tusiiba emikuzi kamaala aye nga Abeegeresebwa bo tibasiiba?”

Luka 18:12

Nze nsiiba emikuzi ebiri buli nnaku musanvu, era ku buli bintu eikumi bye nfuna nkughaaku ekirala.’

Ab'e Roma 10:2

Nkakasa nti benda inho okukola Katonda by'ayenda aye okwenda kwaibwe kuziramu kumanha kutuufu.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

1 Ab'e Korintho 3:18

Ghatabangagho muntu yeesubagha mwene. Omuntu yeenayeena mu imwe bwe yeerowooza okuba omugezi, mu magezi ag'ensi, afuuke musiru memale aghange okufuuka omugezi

1 Ab'e Korintho 3:20

era n'aghandi kiti: “Musengwa aidhi ng'ebidhuubo by'abagezi tibigasa.”

Ab'e Filippi 3:6

Nali nga nhiinkiira okukiriga Ekikunsu ky'Abaikiriza mu Kurisito ate mu butuufu obuva mu kugema amateeka, nga nziraku nsobi.

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.

Ab'e Kolosai 2:23

Kituufu mu biragiro oti n'ebyo mubonekera okubaamu amagezi, kuba bikaka omuntu okusinza n'okwewooya, n'okwebonereza mu mubiri. Aye bizira muganhulo mu kufuga omubiri mu kwegomba kwagwo.

1 Timotheo 4:3

Abo n'abalobera abantu okubayiza oba okubayira, era ni babalobera eby'okulya ebindi Katonda bye yagha abaikiriza era abaidhi amazima, okubiryanga nga bamweyanza.

Okwolekebwa 18:19

Era balyeyugha enkungu mu mitwe, baalira era baagegenga nga bakoba bati: “Okagwireku! Okagwireku, iwe ekibuga ekikologho, ekyakombaghaliramu abo boonaboona abaali n'amaato ku nhandha! Mu saawa busaawa eti kizikiriire!