Omulangirizi 7:14 - Baibuli Ekibono kya Katonda 2014

¹⁴ Olunaku ebintu lwe bikujiiriire obukalamu, osangaalanga, ate lwe bikujiiriire obubi, oidhukiranga oti: Katonda naataagho ebyo byombi, olwo abantu balobenga kumanha biribaagho.

Omulangirizi 7:14 ပူးပေါင်းရင်းမြစ်များ

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

Yobu 2:10

Aye Yobu yaamukoba ati: “Oli kwogera ng'oti n'abakazi abasirusiru bwe boogera. Obwo, tunaasanhukiranga birungi byonka Katonda by'atugha, twaloba kusanhukira bitunhiga by'atugha?” Mu ebyo byonabyona ebyagwagho Yobu tiyayogera bubi ku Katonda.

Zabbuli 119:71

Okukangaivulwa kwange kwankola bukalamu, kuba kwandeetera okwega okukola by'olagira.

Zabbuli 40:3

Yandeetera okumwembera olwembo oluyaaka, olwembo olw'okusaaka Katonda waife. Abantu kamaala balibona kino baatya, era baata obwesige bwaibwe mu Musengwa Katonda.

Omulangirizi 10:14

Omusiru afukumula ebibono ebitawa. Ghazira muntu aidhi biri kwidha, era ghazira asobola kukobera muntu biribaagho ng'omuntu oyo aviiregho.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 12:8

Omulangirizi akoba ati Ghazira kintu kiri na muganhulo, bwenebwene ebintu byonabyona biziramu muganhulo naire.

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Omulangirizi 5:17

Yaamala enaku dhe dhoonadhoona ng'aliira mu nzikiiza, ng'ali mu bulumi, ni mu bweraliikirivu, era nga munakughavu.

Omulangirizi 8:7

Omuntu tamanha kija kubaagho, era ghazira asobola kumukobera bwe kija kuba.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Okulira 3:38

Ghaligho ekirungi oba ekibi ekigwagho ng'oyo Ali Ghaigulu Yeene ti n'akiragiire?

Mika 6:9

Kya magezi inho okutya Musengwa Katonda. Musengwa Katonda ayeta abanakibuga yaabakoba ati: “Imwe abeesololeza mu kibuga, muwulire.

Matayo 9:13

Kale muje mwege amakulu ga kino, ‘Ekisa kye nhenda aye ti misengo.’ Tinaidha kweta batuufu, aye aboonooni.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Amateeka Agokubiri 26:11

Aidha kusagambiranga ghalala n'ab'omu maka ge, n'abalevi, n'abasenze ababa mu imwe, olw'ebirungi byonabyona Musengwa Katonda we by'anaabanga ng'amughaire.

Amateeka Agokubiri 28:47

Musengwa Katonda waimwe yabagha ebirungi kamaala, aye imwe mwaloba okumusinza n'omwoyo ogw'eisanhu n'okusagamba.

Amateeka Agokubiri 8:3

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.

Amateeka Agokubiri 8:5

Kale ni mukimanhenga muti, ng'omuntu bw'akangaivula omwana we, ni Musengwa Katonda waimwe atyo bw'abakangaivula imwe.

Yakobo 5:13

Ghaligho mu imwe adaagadaaga? Kale asabe Katonda. Ghaligho omusangaavu? Kale ayembe enhembo edhisaaka Katonda.