Omulangirizi 7:12 - Baibuli Ekibono kya Katonda 2014

¹² kuba gakuuma omuntu ng'oti n'empiiya bwe dhimukuuma. Aye ekireetera omuntu omugezi okusingaku abandi kiri nti: amagezi g'aba nago gamugha obulamu.

Omulangirizi 7:12 ပူးပေါင်းရင်းမြစ်များ

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Ensambo 14:20

Omwavu akyayibwa ni bakagwa be beene, aye omukombe aba n'emikwano kamaala.

Ensambo 2:11

Oidha kubanga n'obumanhi obw'okusalagho ekigwaine okukolebwa nga bukukuuma; era obenga n'okutegeera nga kukulabirira.

Ensambo 2:7

Agha abantu be abeesimbu amagezi agabayamba; era yaaba ngabo eri abo abeesigwa y'ali okubawonia.

Ensambo 3:18

Abafuna amagezi bafuna obulamu; abo abagagumiraku baba ba nkabi.

Ensambo 8:35

Abo abandhagala ni banzuula bafuna obulamu, era Musengwa Katonda abasanhukira.

Ensambo 9:11

Nze amagezi ndidha kukughangaaza enaku kamaala, era nhongere emyaka ku bulamu bwo.

Omulangirizi 10:19

Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Omulangirizi 2:13

Agho naabona ng'amagezi malungi okusinga obusiru, ng'obutangaavu bwe buli obulungi okusinga enzikiiza.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Omulangirizi 9:16

Nze nkoba nti amagezi gasinga amaani, waire ng'amagezi ag'omuntu omwavu ganhoomebwa, ni by'ayogera ghaabulagho abiwulirisa.

Omulangirizi 9:18

Amagezi ga maani okusinga eby'okulwanisa eby'omu lutalo, aye omwonooni omulala ati asobola okuzikiriza ebirungi kamaala.

Isaia 30:2

Baasalagho baaja e Misiri okunoonia obuyambi, nga tibamaze kuneebuuzaaku. Beesiga inho amaani ag'ensi Misiri, baaja ye kyabazinga waayo, baamusaba abakuume!

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Yoanne 12:50

Era ndidhi ng'ekiragiro kye kino kigha obulamu obutawaagho. Kale ni bye ndhogera mbyogera nga Lata bwe yankoba.”

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Amateeka Agokubiri 32:47

Kuba bino ti bibono bya kudhondha budhondhe. Aye n'obulamu bwaimwe bwene, era n'ebiribaleetera okughangaalira mu nsi ye muli kuja okutwala nga musomoike omwiga Yorudani.’”

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Abalamuzi 9:15

Omuti namukodolya gwakoba emiti guti, ‘Oba nga bwene mwenda okunfuula kyabazinga waimwe, kale mwidhe mwewogome mu kinsense kyange. Aye oba nga ti n'ekyo, omuliro gwidha kuva mu nsaga dhange edh'amawa, gumalegho emivule egy'omu Lebanoni.’ ”